Maluko 8:35 - I CILAGANE CIPYA 1991

³⁵ Hambi munhu mono yakuhila kuwuponya wumi wakwe mweneco, nha kowajiliza, langa munhu mono kowajiliza u wumi wakwe, ku soko yangu na ku soko yo Luganuzi Luswanu, yuyo, langa kowuponya u wumi wakwe.

Luganuzi Luswanu Kuli Wanhu Wose 2002

³⁵ Hambi munhu mono yakuhila kuwuponya wumi wakwe mweneco, nha kowajiliza, langa munhu mono kowajiliza u wumi wakwe, ku soko yangu na ku soko yo Luganuzi Luswanu, yuyo, langa kowuponya u wumi wakwe.

Maluko 8:35 ပူးပေါင်းရင်းမြစ်များ

Matayo 10:22

Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

Matayo 10:39

Nayo mono yakuwibatiliza u wumi wakwe, yo kowajiliza, langa mono yakuwajiliza u wumi wakwe ku soko yangu, yuyo langa kowutuga.

Matayo 16:25

Ku soko u munhu mono yakusaka kuwuponya u wumi wakwe mweneco, alu yuyo yo kowajiliza,

Matayo 19:29

Na muli wose mono yalecile nyumba yakwe, hamba wawahaze, hamba walumbuze, hamba u sogwe, hamba u nyina, hamba wanagwe, hamba migunda ku soko yangu, nayo kobocela kali igana na kuciza, na hanyuma kowutuga u wumi we cibitilila.

Maluko 8:36

Alu ma, u munhu kocituga cambuzici, hono yayituje yinze yose kono yalila, ninga yawajilize u wumi wakwe?

Luka 17:33

Muli wose mono kolondola kuponya nhumbula yakwe, koyajiliza, ninga muli wose mono koyajiliza, yo koyiponya.

Luka 9:24

Hambi muli wose mono yakuhila kuyiponya nhumbula yakwe, yuyo yo koyajiliza; ninga muli wose mono koyajiliza nhumbula yakwe ku soko yangu, yuyo yo koyiponya.

Metumo ge Watumwa 20:24

Ninga ane si nghuganiciza wumi wangu nha cinji cikamu kuliʼne, si nho wukondeleze wo muhinzo wangu, no witumami wono nabocela kuli Muwaha Yesu, kuluhomelela u Luganuzi Luswanu lwe lihewa lyo Mulungu.

Metumo ge Watumwa 21:13

Ninga mwene Pawulo yakapitula yakatya, “Alo mukusaka kunoza cici? Mukulila no kunyenyanga mutima wangu? Hambi ne nha nilumbiye si kuwopwa du, langa no kufwila kuko ku Yelusalemi, kusoko ye litagwa lyo Muwaha Yesu.”

Metumo ge Watumwa 9:16

Nane no mweneco, nomulajila zi nyinji zono zimunojeye yagazwe ku soko ye litagwa lyangu.”

1 Wakolinto 9:23

Nane nghuzinoza zizi zose ku soko yo Luganuzi Luswanu, ho sume kuhanga u wulugutwe wayo.

2 Wakolinto 12:10

Holeka nyheye kanyhi nyendezwe du, hono mu wusocele, mu wubedegalwe, mu wugaye, mu wuwinjilizwe, na mu magazo ku soko ya Kilisito, hambi lono nili musocele, nha ho nghuwela nili vilungo.

2 Timoteyo 1:8

Ale, holeka wulece kuwona cevu kumuhomelela u Muwaha wetu Yesu, hamba wulece kuwona cevu ku soko yangu nene no mufungwa, mono funjigwe ku soko yakwe, Yesu. Ninga wuhanje magazo ku soko yo Luganuzi Luswanu, mu nghango ye vilungo vyono Mulungu yakukupela.

Wahebelaniya 11:35

Ne wacekulu wono wali wehuwiye, wakagomolelwa wakondya kuzukulwa i wafu wawo. Wanji muli wene wakalema kuwopolelwa, wakatamiswa vibi sunga wakafwa, ho watuje u wuzuce no kwinjila mu mikalile imiswanu yono yicizize muno.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye imbeka yono wayiganula, kanyhi wawuwona u wumi wawo si cinji, hamba wafwe.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwalajila wanji wayenyu mu jela, nanye motuga magayo mu vilo ikumi. Holeka, mwene muli wehuwilwa kuliʼne, sunga ko ku wufwe, nane nomupelenyi wumi, co cihumbilizwa cenyu co wusume wenyu.

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swe.