Maluko 7:4 - I CILAGANE CIPYA 1991

⁴ Kanyhi, siwalizaga cinji co cose cono ciguligwe ku sokoni, sunga wamule wacizuguze. Kanyhi hoyili myoto yinji yono wayibocela kulawa katali, kotya kukwema vikombe, nyungu ne viya vye vyuma vizelu.)

Luganuzi Luswanu Kuli Wanhu Wose 2002

⁴ Kanyhi, siwalizaga cinji co cose cono ciguligwe ku sokoni, sunga wamule wacizuguze. Kanyhi hoyili myoto yinji yono wayibocela kuwulawa katali, kotya kukwema vikombe, nyungu ne viya vye vyuma vizelu.)

Maluko 7:4 ပူးပေါင်းရင်းမြစ်များ

Matayo 23:25

“Woyi he kuliʼnye nyo wejizi wo Wulajilize ne Wafalisayo, mo wakoci! Anye mono mukwemaga kunze i cikombe ne bakuli, ninga mukuleka mugati mono mumemile ivinhu vyono mwavitujila mu nzila yo wuhizi no wubuguci.

Matayo 23:26

Agwe go Mufalisayo mubofu! Wamule wukweme mugati ye cikombe, holeka na kunze yayo nako kowa kwelile.

Matayo 27:24

Hodu nayo Pilato yaza kumanya vyono si kosuma cinji, na vyono mazozo gali geza kwanza, hodu u mwene yakasola malenga, yakezuguza miwoko yakwe hali wanhu wose akuno yakutya, “Ane ta, sina nghani yo yose kuli ze lifwa lyo munhu yuyu, yo nghani yenyu nyenye nyo weneco.”

Maluko 7:8

“Anye mukulileka lilajilizo lya Mulungu no kwibata imalajilizo ge wanhu.”

Yohana 2:6

Ale, baho hali na manyungu mutandatu ga mabwe, gono gali gakwiliye kwinjila madebe mejete, hamba madatu mwinyungu limonga. Gali gawicigwe baho, so wityatye we myoto ye Wayahudi yo kwizuguza.

Yohana 3:25

Wukejela wiwanganile hagati ya wejizwa wanji wa Yohana, no Muyahudi yunji, kuli ze myoto yo kwizuguza.

Wahebelaniya 9:10

hambi zizi zose zono zili mu zindigwa, no wungʼwe na mu wityatye wunji wunji wo wihovuji. Vyose vivyo go malajilizo ga munze du; ne vilungo vyayo vyoficila ku mudumo wayo kolo u Mulungu yakuvinoza wupya i vinhu vyose.

Yakobo 4:8

Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.