Maluko 7:31 - I CILAGANE CIPYA 1991

³¹ Hanyuma yayo Yesu yakawuka muʼsi ya Tulo, yakakolela mu Sidoni, yakafika kwilenga lya Galilaya, yakakolela muʼsi ya Dekapoli.

Luganuzi Luswanu Kuli Wanhu Wose 2002

³¹ Hanyuma yayo Yesu yakawuka mu'si ya Tulo, yakakolela mu Sidoni, yakafika kwi'lamba lya Galilaya, yakakolela mu'si ya Dekapoli.

Maluko 7:31 ပူးပေါင်းရင်းမြစ်များ

Matayo 11:21

“Woyi he, kuliʼgwe go Kolazini, woyi he, kuliʼgwe, go Betesayida. Hambi i mapoto gono ganozezwa kuliʼgwe, hono gali ganozezwe ku Tulo na Sidoni, iwanhu wa mumo mhali wavwala katali vivwalo vye magunila, no kwibaka i mavu, ho walajile vyono wanena.

Matayo 4:18

Nayo Yesu lono yajendaga ha mwejelele we lilenga lya Galilaya, yakawawona wanhu wejete wanimula somba wana wa munhu monga, wali wa Simoni (mono kacemagwa Petelo) wena na Andeleya u mwanakwawe, wanimulaga zisomba mwilenga no lwavu lwawo.

Matayo 4:25

Ne mapuga menji ge wanhu, wono walawa ku Galilaya, Dekapoli, Yelusalemi, Yudiya, sunga na ku nhumbi ya Yoludani, wose wakawa kumutyatya.

Maluko 5:20

Ale, munhu yuyo yakabita, yakanza kuganula kuko ku Dekapoli i zimbaha zose zono Yesu yamutendela, ne wanhu wose wakezina muno muno.

Maluko 7:24

Nayo Yesu yakawuka baho, yakabita ku yisi ya Tulo. Na kuko yakenjila mu kaya yinji yono siyasaka munhu yunji yamanye, ninga hamba nha vivyo, hamba siyasuma kwihundika.

Maluko 7:30

Nayo yakabita ku kaya yakwe, yakamwagana umuhinza wakwe yagonile mu citanda, ne licisi lyakondya kumulawa.