Maluko 7:2 - I CILAGANE CIPYA 1991

² Wakawona vyono iwejizwa wakwe wanji, walizaga mikate ne miwoko yono yitipiye, yono simizuguzwe.

Luganuzi Luswanu Kuli Wanhu Wose 2002

² Wakawona vyono iwejizwa wakwe wanji, walizaga mikate ne miwoko yono yitipiye, yono simizuguzwe.

Maluko 7:2 ပူးပေါင်းရင်းမြစ်များ

Matayo 15:2

“Alu nhawule i wejizwa wako si wakwibata ze mejizo gono cabocela kuwulawa ku wawaha we katali? Ku soko si wakwizuguza miwoko yawo nha vyono yinojeye lono wakali si namula kulya?”

Maluko 7:5

Holeka Iwafalisayo ne wejizi wo Wulajilize wakamuwuza Yesu, wakutya, “Alu so cici Iwejizwa wako siwakuyicelelela imyoto yono cayibocela kulawa ku wasetu, langa wene walizaga zindigwa ne miwoko yono yitipiye?”

Luka 11:38

Yuyo Mufalisayo yakezina kuwona vyono Yesu yakulya zindigwa si yamuye kwizuguza.

Metumo ge Watumwa 10:28

Petelo yakawatya, “Nyenye nyo weneco mumanyile vyono Muyahudi wo wose, wulajilize wakwe we dini wukumulemeza yalece kwilunza ne wanhu we makungugo ganji. Ninga u Mulungu kandajilila ʼne vyono ndece kumutya yunji musemunwa, lunji mwavu.”

Metumo ge Watumwa 11:8

Ninga ane nghatya, ‘Ngʼo Muwaha, ku soko co cose cisemunwa, hamba cavu, cikali sinenjila mu mulomo wangu.’

Walumi 14:14

Mu wilunza hamonga no Muwaha Yesu, manyiye lukulu vyono, hasina cinhu cocose cono cisemunwa mu cihuma cayo, ninga hono munhu yehwese vyono cinhu co wutunga cisemunwa, hodu kuli mwene caweza cisemunwa.

Wahebelaniya 10:29

Wulenyi, u munhu mono yakumubedula u Mwana wo Mulungu, no kuyibedegala i sakami ye cilagane co Mulungu cono ca mweza, u munhu yuyo mono yakumutovula u Muhe wo Mulungu, yimunojeye yapegwe wulipicizwe wuwaha nha cici?

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjlia mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.