Maluko 6:15 - I CILAGANE CIPYA 1991

¹⁵ Ninga wanhu wanji wakatya, “Umunhu yuyo yo Eliya.” Iwanji wakatya, “Yuyu yo muwizi kotya muyagwe ne wawizi.”

Luganuzi Luswanu Kuli Wanhu Wose 2002

¹⁵ Ninga wanhu wanji wakatya, “Umunhu yuyo yo Eliya.” Iwanji wakatya, “Yuyu yo muwizi kotya muyagwe ne wawizi.”

Maluko 6:15 ပူးပေါင်းရင်းမြစ်များ

Matayo 16:14

Nawo wakamupitula, wakatya, “Wanji watezaga vyono u mwene yo yulya Yohana u Mubaputizi, na wanji watezaga yo Eliya, na wanji wakutya, yo Yelemiya hamba yumonga u muyagwe ne wawizi.”

Matayo 21:11

Iwanhu wanji wa mwipuga lililya lye wanhu wakatya, “Ayu yo muwizi Yesu, mono yakulawilila ku Nazaleti mu yisi ya Galilaya.”

Maluko 6:16

Ninga Helode yaza kuzituga zinghani zizi, yakatya, “Yuyu yo Yohana! Namudumulo mutwe, ningaʼlu yazuka.”

Maluko 8:28

Wakamutya, “Wanhu wanji watezaga gwegwe yo Yohana u Mubaputizi, na wanji Eliya, ninga wanji watezaga wuli yumonga muyagwe ne wawizi.”

Luka 1:17

Kolowapitula wenji wa muli wana wa Isilayeli wamupitucile Muwaha Mulungu wawo. Nayo komulongolela Muwaha yakutongwa mu vilungo na mu Muhe kotya Eliya, no kuwalamula wasogo zo munhu ne wana wawo. Kowanoza we cibede wawe mu mahala ge we lingʼani kumuwikaniziza u Muwaha wanhu wakwe.”

Luka 7:16

Wanhu wose wakebatwa no woga, wakamulumbo u Mulungu, wakutya, “Muwizi muwaha kalawila mwetu; no Mulungu kaza kuwakomboza wanhu wakwe.”

Luka 7:39

U Mufalisayo yuyo mono yamucema Yesu, yaza kuziwona zizo, yakatya mu nhumbula yakwe, “Munhu ayu yali yawe muwizi, yali yamutanje mucekulu yuyu vyono yenha na vyono mubi.”

Luka 9:19

Wakapitula “Wakutya, Yohana u Mubaputizi, ninga wanji wakutya, yo gwegwe Eliya, na wanji wakutya, yumonga muyagwe ne wawizi we katali kazuka.”

Luka 9:8

na wanji watezaga, Eliya kalawila, na wanji watezaga, vyono muyagwe ne wawizi we katali kazuka.

Yohana 1:21

Nawo wakamuwuza wakatya, “Alu gwegwe nani? Yo gwegwe Eliya lo?” Yohana yakatya, “Ngʼo yo si nene.” Wakamuwuza “Yo gwegwe muwizi yulya?” Yohana yakawapitula yakatya “Ngʼo yo si nene.”

Yohana 1:25

Nawo wakamuwuza Yohana wakamutya, “Alu agwe hono si wuli Kilisito, hamba Eliya, hamba muwizi yulya, nhawule wukubaputiza?”

Yohana 6:14

Iwanhu wawo waza kuciwona citanjilo cono Yesu yanozize, wakatya, “Ayu he yo muwizi mbeka, mono yakuza kononze.”

Yohana 7:40

Wanji wa mwipuga lililya lye wanhu, wamuhulika yakulonga zinghani zizi, wakatya, “Mbeka munhu ayu yo muwizi.”

Yohana 9:17

Wakamuwuza kanyhi munhu yuyulya mono yali yali cibofu, wakatya, “Alu agwe ukumutya wule munhu yuyo vyono yakunuguze i meso gako?” Nayo yakawatya, “U Mwene yo Muwizi.”