Maluko 5:35 - I CILAGANE CIPYA 1991

³⁵ Na lono Yesu yali yakali yakulonga, iwanhu wakaza kulawa ku kaya yo muwaha we nhangʼanilo yo wuhembelo, wakamutya, “Umuhinza wako yakondya kufwa. Alu nhawule wukali wukumugaza Mwijizi?”

Luganuzi Luswanu Kuli Wanhu Wose 2002

³⁵ Na lono Yesu yali yakali yakulonga, iwanhu wakaza kulawa ku kaya yo muwaha we nhang'anilo yo wuhembelo, wakamutya, “Umuhinza wako yakondya kufwa. Alu nhawule wukali wukumugaza Mwijizi?”

Maluko 5:35 ပူးပေါင်းရင်းမြစ်များ

Matayo 26:10

Yesu yakagamanya i mahweso gawo, holeka yakawatya, “Alu nhawule mukumugaza u mucekulu yuyu? Mwene kunyitumamila mulimo muswanu muno muno.

Matayo 26:18

Nayo yakawapitula yakawatya, “Mubite mwinjile Mwikaya, ku kaya ya nhendu, mukamutye, Mwijizi yakutya, icipango cangu cafika, holeka ane hamonga ne wejizwa wangu, coyinozeza i sikukuu ye Pasaka mu kaya yako.”

Matayo 9:18

Nayo Yesu lono yalongaga zizo, yakaza muwaha monga Muyahudi, yakamufugamila, yakutya, “Mwanangu we cicekulu katajika lulu baha. Ninga hamba nha vivyo nghukunena wuze wumuwicile muwoko wako, nayo kowumipa.”

Maluko 10:17

Na lono Yesu yatulukaga kanyhi ku muhinzo wakwe, u munhu yunji yakamuziza lumangho, yakafugama hamwande yakwe, yakamuwuza, yakutya, “Go Mwijizi muswanu, nhende wule ho niwutuje u wumi we cibitilila?”

Maluko 5:22

Baho yakaza yunji wa muli wawaha we nhangʼanilo yo wuhembelo, itagwa Iyakwe Yayilo. Nayo yaza kumuwona Yesu, yakagwa hamwande ye magulu gakwe,

Luka 8:49

Na lono Yesu yali yakali kulonga, Yayilo yakaletelwa nghani kulawa kukaya kwakwe, vyono, “U mwanago yakondya kufwa, ulece kumugaza Mwijizi.”

Yohana 11:21

Malita yakamutya Yesu, “Muwaha, mhali wali wuwe wuli baha, u lumbu lyangu si yali yafwe ngʼo.

Yohana 11:25

Yesu yakamutya, “Ane nha yo nene wuzuce, no wumi. Nayo mono yanyihuwiye nene, hamba yafwe kowa mumi,

Yohana 11:28

Malita yaza kukondya kulonga zizo, yakabita, yakamucema u mwanakwawe Malyamu, yakamulonjela cinyele, yakutya, “U mwijizi yali baha yakukucema.”

Yohana 11:32

Nayo Malyamu yaza kufika hono hali ho yuli Yesu, yaza muwona, yakafugama, yakamutya, “Muwaha mhali wali wuwe wuli baha, ulumbu lyangu si yali yafwe ngʼo.”

Yohana 11:39

Yesu yakatya, “Wusenyi libwe.” Ninga Malita munghalo lumbulye mono yafwiye, yakamutya, “Muwaha, alu nha yeza kunungha, ku soko yakondya kuwa mu citenjelo vilo vine.”

Yohana 5:25

Mbeka nghumutyenyi, i cipango cikuza, na lulu caza, i cipango cono i wafu wolihulika ilizi lyo Mwana wo Mulungu, nawo wono wolihulika wowa womi.