Maluko 2:18 - I CILAGANE CIPYA 1991

¹⁸ Kukawa mwipango linji, iwejizwa wa Yohana ne wejizwa we Wafalisayo, wali walekaga kulya ndigwa. Ale, iwanhu wakaza, wakamu wuza Yesu, wakutya, “Alu socici iwejizwa wa Yohana ne wejizwa we Wafalisayo, walekaga kulya ndigwa, ninga iwejizwa wako siwalekaga kulya ndigwa?”

Luganuzi Luswanu Kuli Wanhu Wose 2002

¹⁸ Kukawa mwipango linji, iwejizwa wa Yohana ne wejizwa we Wafalisayo, wali walekaga kulya ndigwa. Ale, iwanhu wakaza, wakamuwuza Yesu, wakutya, “Alu socici iwejizwa wa Yohana ne wejizwa we Wafalisayo, walekaga kulya ndigwa, ninga iwejizwa wako siwalekaga kulya ndigwa?”

Maluko 2:18 ပူးပေါင်းရင်းမြစ်များ

Matayo 23:5

Iwene izawo zose, wetumaga du ho wanhu wawawone. Hambi nha wendile kuvwala ha wusu wawo na mu miwoko yawo icitambala cono cihonele malajilizo, kanyhi wendile konjeleza ne masune mu majoho gawo.

Matayo 6:16

“Na lono mukuleka kulya, mulece kusininghala ha wusu nhe wanhu wakoci. Hambi iwene nha wasininghalaga ha wusu, ho wejele hali wanhu vyono walecile kulya. Nghumulonjelenyi mbeka, vyono wawo, wakondya kucituga icihumbilizwa cawo.

Matayo 6:18

ho munhu wo wose yalece kumanya vyono agwe wulecile kulya, langa wumanyice no Sogo du, mono si kejelaga. Nayo u Sogo mono kaziwonaga ze cinyele, kokuhumbiliza.

Maluko 2:19

Nayo Yesu yakawatya, “Alu wono walalikwe ku halusi, wolecelaci kulya ndigwa hono bwana halusi yakali hamonga nawo? Na mu mapango gose lono wakali hamonga na bwana halusi, siwosuma kuleka kulya ndigwa.

Luka 18:12

Mu vilo mupunghati ndekaga kulya kejete, ndavyaga zaka, cipinga ce likumi muli vyono sawaga vyose.”

Walumi 10:3

Hambi nha si wamanya vyono u Mulungu kawanozaga wanhu, ho wavumilwe hali mwene, wene wakajela kwinozeza nzila yawo weneco, holeka si wasuma kuyivumila inzila yiyo yo Mulungu, yono yowanoza ho wavumilwe hali mwene.