Maluko 14:49 - I CILAGANE CIPYA 1991

⁴⁹ Na kumbe nhondo zose nawezanaga nanye nghwijiza mu Nyumba yo Mulungu, ninga simwanyibata ngʼo. Ninga alu yinojeye i Mandiko Gono Gelile gafisilizwe.”

Luganuzi Luswanu Kuli Wanhu Wose 2002

⁴⁹ Na kumbe nhondo zose nawezanaga nanye nghwijiza mu Nyumba yo Mulungu, ninga simwanyibata ng'o. Ninga alu yinojeye i Mandiko Gono Gelile gafisilizwe.”

Maluko 14:49 ပူးပေါင်းရင်းမြစ်များ

Matayo 1:22

Na zizi zose zikejela, ho yifisilizwe inghani yiyilya yono u Muwaha yayilonga mu nzila ye wawizi, yono yatya,

Matayo 26:54

Ninga alu, ho goficilicila nhawule i Mandiko Gono Gelile, gono gakutya, nha vivyo vyo yinojeye yiwe?”

Matayo 26:55

Lo lulo lulo, Yesu yakawa kulilonjela ilipuga lye wanhu wono wazaga ho wamwibate, yakawatya, “Alu mwene ho muza kunyibata akuno mwina ne mimaje ne zinhumbi, kotya ane nha nili muhizi? Alu ane, nha nhondo zose nali kuwezaga hamonga nanye mu Nyumba yo Mulungu nghwijiza, nanye kumbe hamba si mwanyibata!

Matayo 26:56

Ninga azi zose ziwa nha vivi, ho i Mandiko ge wawizi gaficilicile.” Hanyuma iwejizwa wakwe wose wakamuleka wakatiza.

Maluko 10:1

Nayo Yesu yakawuka baho, yakabita ku yisi ya Yudiya sunga ko ku nhumbi nzagwe ye likolongo lya Yoludani. Ilipuga lye wanhu likamuziza kanyhi, nayo yakawejiza kanyhi nha vyono yali yazoweye.

Maluko 11:27

Wakafika kanyhi ku Yelusalemi. Na lono Yesu yajenda jendaga mu Nyumba yo Mulungu, Iwakohani wawaha, ne wejizi wo Wulajilize, ne wanyamhala wakamubitila,

Maluko 12:35

Na lono Yesu yejizaga mu Nyumba yo Mulungu, yakawuza yakutya, “Alu nhawule iwejizi wo Wulajilize watezaga vyono Kilisito yo mwana wa Dawudi?

Maluko 14:48

Nayo Yesu yakawatya, “Alu muza mwina ne mimaje hamonga ne zishale ho munyibate nha kotya nili muhizi?

Maluko 14:50

Ale baho iwejizwa wakwe wose wakamuleka, wakatiza.

Luka 19:47

Yesu yakawa kwijiza vilo vyose mu Nyumba yo Mulungu. Ninga wakohani wawaha, ne wejizi wo Wulajilize ne walongola we wanhu, wasakaga kumuwulaga,

Luka 22:37

Hambi nha nghumutyenyi, vyono yiyi yono yandikwa mu Mandiko Gono Gelile, ‘Yawalilizanwa hamonga ne wahodanji.’ Siyoleka kufisilizwa. Hambi yono yatemezezwa, nha yeza kuficila ku mudumo wayo.”

Yohana 10:23

Nayo Yesu lono yajendajendaga mu Nyumba yo Mulungu, mwikumbo lya Solomona.

Yohana 18:20

Nayo Yesu yakamupitula yakutya, “Ane nali kuwalonjelaga wanhu wose nhondo zose cagalanze. Nane nali kwijiza hanji na hanji mu matangʼanilo gawo go wuhembelo, sunga na mu Nyumba yo Mulungu, ihanhu hono wekongholelaga Wayahudi wose, na hamba nghali si nalonga cinji co cose cinyele.

Yohana 7:37

Mwizuwa lyo mumalilizo we sikukuu yiyo, lyali izuwa iwaha. Yesu yakema yakalonga yenuye lizi, yakutya, “Munhu wo wose, mono yakaluce, yaze kwangu yangʼwe.”

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Yohana 8:2

Waza kwela hakali mitondo, yakaza kanyhi mu Nyumba yo Mulungu. Wanhu wose wakamuziza, nayo Yesu yakekala yakawa kuwejiza.