Maluko 14:36 - I CILAGANE CIPYA 1991

³⁶ Yakatya, “Gwe Baba, kuligwe zose nha zisumice. Ale wumbusizaje icikombe cicino ce magazo. Ninga si vyono nyendile nene, langa yiwe nha vyono wendile gwegwe.”

Luganuzi Luswanu Kuli Wanhu Wose 2002

³⁶ Yakatya, “Gwe Baba, kuli'gwe zose nha zisumice. Ale wumbusizaje icikombe cicino ce magazo. Ninga si vyono nyendile nene, langa yiwe nha vyono wendile gwegwe.”

Maluko 14:36 ပူးပေါင်းရင်းမြစ်များ

Matayo 26:39

Hanyuma yakatela tela hamwande hadodo, yakagwa funama, yakalomba, yakutya, “Gwe Baba, hono yiwe yisumice, ale icikombe cicino co wusungu cimhulutaje, ninga yilece kuwa nha vyono nyendile nene ngʼo, langa yiwe nha vyono wendile du gwegwe.”

Matayo 26:42

Yakabita kanyhi lwe kejete yakalomba yakutya, “Baba hono yiwe si yisumice icikombe cicino co wusungu cimhulute ndece kucigʼwa, ale, hodu, u wuhile wako witumwe.”

Matayo 6:9

Ninga munojeye mweze kulomba nhavi: ‘Baba mono wuli ku wulanga, Ilitagwa lyako lyezwe,

Maluko 10:27

Nayo Yesu yakawalanga, yakawatya, “Kuli wanhu siyisumice, ninga si nha vivyo kuli Mulungu, hambi kuli Mulungu, zose nha zisumice.”

Maluko 10:39

Wakapitula, wakamutya, “Cosuma.” Yesu yakawatya, “I Cikombe cono nogʼwa heya mbeka nanye mongʼwa, kanyhi mobaputizwa nha vyono nobaputizwaʼne.

Maluko 14:37

Hanyuma yayo yakaza kuli wejizwa wawalya wadatu, yakawagana wagonile. Ale yakamuwuza Petelo, yakutya, “Simoni, alu, wagona? Si wusumile kwikala meso hamba saa monga du?

Yohana 12:27

“Alu nhumbula yangu yikugazika, wule, alu noze cici? Hamba nitye, ‘Baba ulece kucikombola icidaha cici cificile?’ Ninga yo soko yono yaleka ane nghaza, ho nicikolele i cipango cici ce magazo.

Yohana 18:11

Yesu yakamutya Petelo, “Gomole umumaje hanhu hayo. Alo ndece kungʼwa i cikombe co wusungu cono yamheye Baba?”

Yohana 4:34

Yesu yakawatya, “I ndigwa yangu yoyi, nitume wuhile wa mono yanhuma, no kuwukondeleza u mulimo wakwe.

Yohana 5:30

“Ane si nosuma kwitumila cinji mu wulajilize wangu no mweneco, ane nghulingʼaniza nha vyono hulikaga kwa Baba, ne ningʼaniza yangu ya mbeka, hamba si nyendile kwituma zo wuhile wangu no mweneco, langa vyono yendile mono yanhuma.

Wagalatiya 4:6

Alu vyono muli wana, u Mulungu yamutuma u Muhe wo Mwanagwe mu zinhumbula zetu, u Muhe mono kacemaga, “Aba,” wo wutya “Baba.”

Wafilipi 2:8

Yakenenenyheza, yakawa na cihuliko sunga ko ku wufwe, heya, wufwe wa mu musalaba.

2 Timoteyo 2:13

Na hono cilece kuwa wehuwilwa, ninga mwene kekalaga mwihuwilwa cibitilila, hambi mwene nha sikosuma kwiyikana mweneco.”

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli hamwande yetu.