Maluko 13:6 - I CILAGANE CIPYA 1991

⁶ Hambi wenji nha wolokuza nawo wolokwitumamila i litagwa lyangu, wakutya, ‘Ane yo nene!’ nawo wolowajiliza wanhu wenji.

Luganuzi Luswanu Kuli Wanhu Wose 2002

⁶ Hambi wenji nha wolokuza, nawo wolokwitumamila i litagwa lyangu, wakutya, ‘Ane yo nene!’ Nawo wolowajiliza wanhu wenji.

Maluko 13:6 ပူးပေါင်းရင်းမြစ်များ

Matayo 24:11

Kanyhi mu vilo vivyo, wololawila iwawizi wenji wo wulambi, nawo wolowa kuwajiliza wanhu wenji.

Matayo 24:5

Hambi nha wanhu wenji wono wolokuza, nawo walalitumamila litagwa lyangu wakutya, ‘Ane yo nene Kilisito nawo wolowajiliza wanhu wenji.’

Maluko 13:22

Hambi nha wolokwijela wanhu wo wulambi lambi wono wokwiyitya weneco yo Kilisito, ne wawizi wo wulambi lambi, nawo wolonoza vitanjilo ne mezino, ho wajilize i wahagulwa wo Mulungu, hono yisumice.

Maluko 13:5

Yesu yakanza kuwalonjela yakutya, “Musuguce ho mulece kukongwa na munhu.

Maluko 13:7

Nanye kolo mukuhulika zo wulugu ne zinganuzi zo wulugu, mulece kogopa. Hambi zinghani zizi nha sizoleka kuza, ninga indumilizo yeneco yikali sinaza.

Yohana 5:43

Ane niziza mu wulajilize wa Baba, ninga anye hamba si mukumbocela yaye, munhu yunji hono yazize mu wulajilize wakwe mweneco, nanye momubocela.

Yohana 8:24

Holeka nimulonjelenyi vyono, molofwa no wubi wenyu. Kusoko hono mulece kwihuwila du vyono “Ane yo nene.” Molofwa no wubi wenyu.

Yohana 8:28

Holeka Yesu yakawalonjela “Kolo mwakondya kumutumbika Mwana wo Munhu, baho ho molomanyila vyono ‘Ane yo Nene.’ Na kanyhi vyono si nghwitumila cinji co cose mu wulajilize wangu, langa nghulonga zizilya du zono nejizwa na Baba.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.