Maluko 13:11 - I CILAGANE CIPYA 1991

¹¹ Nawo kolo wakumwibatenyi, no kumutegulenyi kuli mahakama, mulece kutuga mahwele vyono molongaci, ninga i lipango lilyo kolo lyafika, ale mulonje co cose cono molopegwa, hambi nha si nyenye mono mololonga, langa yo Muhe Mono Yelile.

Luganuzi Luswanu Kuli Wanhu Wose 2002

¹¹ Nawo kolo wakumwibatenyi, no kumutegulenyi kuli mahakama, mulece kutuga mahwele vyono molongaci, ninga i lipango lilyo kolo lyafika, ale mulonje co cose cono molopegwa, hambi nha si nyenye mono mololonga, langa yo Muhe Mono Yelile.

Maluko 13:11 ပူးပေါင်းရင်းမြစ်များ

Matayo 10:17

Mwilanjililaje kuli wanhu, hambi nha womutegulenyi kuli mahakama, kanyhi womukunenyi viboko mu matangʼanilo gawo go wuhembelo.

Maluko 13:12

No munhu kolomukombola unduguye yawulagwe, nayo usogo yo munhu, kolomukombola umwanagwe, iwana nawo wolowatowanga iwalezi wawo no kuwawulaga.

Maluko 13:9

“Ninga nye musuguce. Hambi iwanhu nha wolomutegulenyi kuli mahakama, no kumutowenyi mu matangʼanilo go wuhembelo. Molotegulwa ha mwande ye walongola ne watemi ku soko yangu, ho muhomelele kuli wene.

Luka 21:12

Ninga lono zikali si nawa zizi zose, womwibatenyi, no kumutegulenyi mu matangʼanilo go wuhembelo, no kumudindilenyi mu zijela, motegulwa hali watemi ne walongola, ku soko ye litagwa lyangu.

Yohana 3:27

Yohana yakapitula yakatya, “Munhu si kosuma kuwa na cinji, hono yalece kupegwa no Mulungu.

Metumo ge Watumwa 2:4

Wose wakamemywa Muhe Mono Yelile, wakanza kulonga milonjele hayo hayo, nha vyono Muhe yawapela vilungo mu wulonje.

Metumo ge Watumwa 3:13

U Mulungu wa Abulahamu, na wa Isaka, na wa Yakobo, u Mulungu we wasetu, yo yamukumizye Mwitumami wakwe Yesu; mono mwamulavya anye, mwene yo yuyo mono mwamutajila mu miwoko ye wawaha, no kumulema hamwande ya Pilato, hambe Pilato yasakaga kumulecela.

Metumo ge Watumwa 4:31

Nawo waza kukondya kulomba, i hanhu baho hono wali wehangulizize, hakasinjisika, nawo wose wakamemywa u Muhe Mono Yelile. Nawo wose wakawa kwanza kuyiganula nghani yo Mulungu wasina woga.

Metumo ge Watumwa 6:10

Hamba si wamusuma ngʼo, kusoko ye mahala gakwe, na ku soko ya yuyo Muhe mono yamulongaga mwipango lono yalongaga.

Metumo ge Watumwa 6:15

Na wose wono wali wali baho he balaza, wakamulanga Sitefano, wakawuwona wusu wakwe weza winha wusu wa Malayika.

Metumo ge Watumwa 7:55

Ninga Sitefano vyono yali yamemilo Muhe Mono Yelile, yakagalamila ku wulanga, yakawona lukumyo lo Mulungu na Yesu yemile u kulume ko Mulungu.

1 Wakolinto 2:13

Holeka ase cikwijiza, ninga si kwe zinghani zono cejizizwa mu mahala ge cimunhumunhu, langa kwe zinghani zono cejizwa no Muhe, cikuzilolosa i zinghani zo Muhe kuli wono wena u Muhe yuyo.

Waefeso 3:5

Zono katali wanhu si wamanyizwa, ninga alu u Mulungu yakondya kuwamanyiza iwatumwa, ne wawizi wakwe wono welile ntu nzila yo Muhe.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose kwa winji, na kwe nhumbula swanu.

1 Petelo 1:12

Nayo Mulungu yakawagubulila mu vilo vyono walongaga ze zinghani zizo, zono anye, alu mwakondya kuzihulika, kulawa kuli wawalya watumwa wono wakamuganulilenyi u Luganuzi Luswanu, lwe vilungo vyo Muhe Mono Yelile, mono yatumwa kuwulawa ku wulanga, vyono wuwo mulimo wawo, si wali so cambuzi cawo weneco, langa ku soko yenyu. Zizo zo nghani zono hamba wamalayika wali wende kuzimanya.