Maluko 12:37 - I CILAGANE CIPYA 1991

³⁷ “Na Dawudi mweneco nha yakumucema Kilisito, Muwaha. Alu Kilisito ho kowa wule mwanagwe kanyhi?” Ne lipuga lye wanhu likawa limuhulicize akuno lisangalaye muno.

Luganuzi Luswanu Kuli Wanhu Wose 2002

³⁷ “Na Dawudi mweneco nha yakumucema Kilisito, Muwaha. Alu Kilisito ho kowa wule mwanagwe kanyhi?” Ne lipuga lye wanhu likawa limuhulicize akuno lisangalaye muno.

Maluko 12:37 ပူးပေါင်းရင်းမြစ်များ

Matayo 1:23

“Langa ta, u musindile kodinghula muda, nayo kolela u mwana we cilume, nayo kocemwa Emanuweli” (nhunizo yayo wo wutya “U Mulungu yali hamonga nase.”)

Matayo 11:25

Mwipango lilyo Yesu yakatya, “Nghukulumba gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 21:45

Iwakohani wawaha ne Wafalisayo, wali weza kuzihulika zizo ze vihwanicizo vyakwe Yesu, wakatanga lwa kamonga du nha vyono yawalongaga weneco.

Matayo 21:46

Holeka wakawa kwanza kulondola londola inzila yo kumwibatila, ninga lu wakogopa wanhu, hambi i wanhu nha wamumanya Yesu vyono u Mwene yo Muwizi.

Luka 19:48

ninga si wayiwona nzila yo kunozeza zizo. Hambi wanhu wose nha wali wamumemeleye, wakumuhuliciza muno.

Luka 21:38

Ne wanhu wose welawilaga ku Nyumba yo Mulungu wamuhulicize.

Yohana 12:9

Iwayahudi wenji, wakamanya vyono Yesu yali kuko ku Betaniya, holeka wakaza kuko, si vyono wasakaga kumuwona Yesu du, langa wasakaga wamuwone na Lazalo nhavivilya, mono Yesu yamuzukula mu wafu.

Walumi 9:5

Wene wo wezukulu wa wakoko, nayo Kilisito ku lubavu lo wunhu wakwe, yalawilila mu mbeyu yawo. U Mulungu mono yatemile muli vyose, yalumbwe cibitilila, Heya.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Yakobo 2:5

Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

Wugubule 22:16

“Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili lulelo lwe mbeyu ya Dawudi: Ane yo nene i nyelezi i mwacinghunghu yono yingʼalalaga ya hakali mitondo!”