Maluko 11:33 - I CILAGANE CIPYA 1991

³³ Holeka wakamupitula Yesu wakatya, “Ase sicimanyile.” Nayo Yesu yakawatya, “Alu hamba na nene kumbe sinomulonjelenyi vyono ko wulajilizeci holeka nghuzinoza i zinghani zizino.”

Luganuzi Luswanu Kuli Wanhu Wose 2002

³³ Holeka wakamupitula Yesu wakatya, “Ase sicimanyile.” Nayo Yesu yakawatya, “Alu hamba na nene kumbe sinomulonjelenyi vyono ko wulajilizeci holeka nghuzinoza i zinghani zizino.”

Maluko 11:33 ပူးပေါင်းရင်းမြစ်များ

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Matayo 16:4

Anye nyo lulelo lubi na lono lusina wihuwilwa. Anye mukusaka vitanjilo, ninga si mopegwa i citanjilo co cose cilya, langa mopegwa i citanjilo acilya ca Yona du.” Baho yakawa kuwaleka, yakawa kubita.

Matayo 21:27

Hodu wakawa kutya, “Ase si cimanyile!” Nayo Yesu, yakawalonjela yakutya, “Ale hodu, hamba na nene sinomulonjelenyi vyono nghuzinozeza zizi mu wulajilize wa nani.

Maluko 11:32

Na hono citye, ‘Walawa kuli wanhu…’ ” Wakogopa i lipuga lye wanhu, hambi wose nha wali wehuwiye vyono Yohana yali muwizi mbeka.

Maluko 12:1

Yesu yakanza kulongana nawo mu cihwanicizo yakutya, “Munhu yunji yalima mugunda we mizabibu. Yakawusitila no mululu, na haciligati yayo, yakahimba likombo lyo kukobonjela divayi, yakazenga ne cilingo citali. Yakawukoza mugunda wuwo kuli walimi, u mwene yakatuluka muhinzo sunga ku yisi ya kutali.

Yohana 3:10

Nayo Yesu yamupitula yakamutya, “Alu, nha yo gwegwe mwijizi wa Isilayeli, hamba si wuzimanyile zizo?”

Yohana 9:27

Nayo munhu yuyo, yakawatya, nha nimulonjelenyi lulu baha, nanye hamba si muhulicize, alu nhawule mukusaka muhulice kanyhi? Alo nanye mukusaka kuwa wejizwa wakwe?”

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

2 Wakolinto 3:15

Heya, sunga ne zuwalili du baha, ho hose lono wukusomwa Wulajilize wa Musa mahala gawo gawezaga magubice.