Maluko 11:20 - I CILAGANE CIPYA 1991

²⁰ Nawo lono wapulutaga, hakali mitondo muno wakawuwona mukuyu wuwulya wanyala wose, sunga ne milela yayo.

Luganuzi Luswanu Kuli Wanhu Wose 2002

²⁰ Nawo lono wapulutaga, hakali mitondo muno, wakawuwona mukuyu wuwulya wanyala wose, sunga ne milela yayo.

Maluko 11:20 ပူးပေါင်းရင်းမြစ်များ

Matayo 13:6

Ilizuwa lyali lyeza kuwalika, zikawa kuwomba, na vyono i milela yayo yali si yitumbiye hasi muno muno, hobaho zikawa kunyala.

Matayo 15:13

Ninga u mwene Yesu, yakawapitula, yakawatya, “Ibici lyo lyose lyono u Sogo yangu wa ku wulanga si yalihadice, lilyo langa lyokulwa.

Matayo 21:18

Nayo Yesu lono yawuyaga mwitumbi, hakali mitondo muno yakadabuka.

Maluko 11:12

Ne mitondo yaco, lono walawaga ku Betaniya, Yesu yakadabuka.

Maluko 11:14

Baho yakawutya mukuyu, “Hasina munhu mono kolya kanyhi mikalo yako sunga cibitilila.” Nawo iwejizwa wakwe wakazihulika i zinghani zizo.

Yohana 15:6

Munhu wo wose hono yalece kwikala muli nene, yakutagwa kunze kotya inhambi vyono walitagaga, nalyo liwa kunyala. Nawo wanhu wakuwa kulikongholeza, wakulitajila mu moto, nalyo liwa kutakamila.

Wahebelaniya 6:8

Ninga hono u muhangha wuwo wucindye mabici ge mamiya, na ganji caka, wukuwa wusina cambuzi, wukuwa wuli behi no wulijitwa no Mulungu no mudumo wayo wukuwa wutakamizwe mu moto.

Yuda 1:12

Na ku so mazozo gawo gono gasina cogopo, i wanhu wawo waweza manamha mabi mu wihangulize wenyu mu ndigwa yo Muwaha, wakuwa kwiyilanga weneco du, kanyhi wenha i mavunde gono gasina malenga, gono gakupemheluswa ne mbeho no kutegulwa ako na ako. I wene wenha mibici yono si yilelaga mana hamba yiwe co cipango cayo co kulela, wenha kotya i mibici yono mikulwe ne milela yayo, wafwiliye lukulu.