Maluko 10:39 - I CILAGANE CIPYA 1991

³⁹ Wakapitula, wakamutya, “Cosuma.” Yesu yakawatya, “I Cikombe cono nogʼwa heya mbeka nanye mongʼwa, kanyhi mobaputizwa nha vyono nobaputizwaʼne.

Luganuzi Luswanu Kuli Wanhu Wose 2002

³⁹ Wakapitula, wakamutya, “Cosuma.” Yesu yakawatya, “I Cikombe cono nog'wa heya mbeka nanye mong'wa, kanyhi mobaputizwa nha vyono nobaputizwa'ne.

Maluko 10:39 ပူးပေါင်းရင်းမြစ်များ

Matayo 10:25

Ninga yakwiliye kuli mwijizwa yawe nho mwijizi wakwe, no mwitumami nayo yawe nho muwaha wakwe. Alu hono wakumucema Belizebuli u mulongola we mhuga, wowacemela matagwa i mabi muno muno iwanhu wanji wa mu mhuga yiyo.”

Matayo 3:6

wakawuvumila u wubi wawo, nayo Yohana yakawabaputiza mwikolongo lya Yoludani.

Maluko 14:31

Ninga Petelo yakehinda muno kulonga yakutya, “Hamba hono yiwe yinojeye cifwizane hamonga nagwe, ane sinokulecela lukulu hamba hadodo.” Ne wejizwa wose nawo wakalonga nhavivyo.

Maluko 14:36

Yakatya, “Gwe Baba, kuligwe zose nha zisumice. Ale wumbusizaje icikombe cicino ce magazo. Ninga si vyono nyendile nene, langa yiwe nha vyono wendile gwegwe.”

Yohana 13:37

Petelo yakamutya, “Muwaha kusokoci si nosuma kukutyatya lulu baha? Ane niwikanize hamba kufwa kusoko yako.”

Yohana 15:20

Mukumbucile inghani yono namulonjelenyi, yono natya, “U mwitumami si yamucizize u muwaha wakwe.” Hono ane wangaza, womugazenyi na nyenye nha vivyo. Na hono wawe wayibata inghani yangu, woyibata ne nghani yenyu nha vivilya.

Yohana 17:14

Ane niwapela inghani yako, nawo we yinze wakawasula, hambi wene nha si we yinze, nha vyono ane nane si nili we yinze.

Metumo ge Watumwa 12:2

Yakamuwulaga Yakobo u muwahawe wa Yohana, no mumaje.

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.