Maluko 10:22 - I CILAGANE CIPYA 1991

²² Nayo yali yeza kuzihulika zizo, hamba si yendezwa yaye, yakawuka akuno yakalaye, hambi nha yali yena sawo nyinji.

Luganuzi Luswanu Kuli Wanhu Wose 2002

²² Nayo yali yeza kuzihulika zizo, hamba si yendezwa yaye, yakawuka akuno yakalaye, hambi nha yali yena sawo nyinji.

Maluko 10:22 ပူးပေါင်းရင်းမြစ်များ

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Matayo 19:22

Nayo u muzelelo yuyo yali yeza kuhulika zizo, hodu yakawa kutuluka akuno yena no wukalale muno, hambi nha yali yena sawo nyinji.

Matayo 27:3

Ale, baho Yuda mono yamugaluka Yesu, yaza kuwona vyono Yesu yakondya kulingʼanizwa, hodu, yakanena yakawagomolela i Wakohani wawaha, zizilya zipesa makumi madatu.

Maluko 10:21

Nayo Yesu yakamulanga, yakamwenda, yakamutya, “Alu wukusakwa witume nghani monga du, nayo yoyi, wubite wukaguze ivinhu vyose vyono wina navyo, ukawapele waciwa, nagwe kowa na sawo ku wulanga, hanyuma ho wuze wunhyatye.”

Maluko 10:23

Yesu yakalanga kose kose, yakawatya iwejizwa wakwe, “Nha kukamu ta kuli wagoli kuwinjila mu Wutemi wo Mulungu.”

Maluko 6:20

Na Helode yamogopaga Yohana, hambi nha yali yamanyile vyono mwene yali munhu we lingʼani kanyhi yelile, holeka yakamukamisa. Helode yali yendile kumuhuliciza Yohana, hamba yiwe kolo yamuhuliciza, yakagazika muno.

Maluko 6:26

Umutemi yakakalala muno muno, ninga ku so wilahize wakwe, na ku so wajenzi wakwe wono wali ha zindigwa, siyenda kumulemeza.

Luka 12:15

Yakawatya wose, “Lanjenyi ta, mwiyikamisaje mu wusulumizi wose, hambi u wumi wo munhu nha si wutugaga mulamu ku soko yo winji we vinhu u munhu vyono yena navyo.”

Luka 18:23

Ninga yuyo munhu yaza kuzihulika zizi, yakakalala muno; hambi nha yali mugoli muno.

2 Wakolinto 7:10

Hambi u wukalale wono witumamilagwa no Mulungu nha wuletaga wupituce wa mu nhumbula, u wupituce wono wuletaga mhonelo, holeka hasina soko yo kuwona nha wambuce. Ninga u wukalale we ciyinze yinze, awo wuletaga ʼfwa.

Waefeso 5:5

Kanyhi yinojeye mumanye vyono, musenyha, hamba mwavu, hamba u musulumizi (hambi u wusulumizi nha wo wukumbika vihwani,) hamba munhu wo wose mono yenha nhavivyo, si kosuma kutuga co cose ntu wutemi wa Kilisito na wo Mulungu.

2 Timoteyo 4:10

Hambi Dema nha yandeka, mwene yenda ze yinze ya lulu, yakabita ku Tesalonike. Kileseke nayo yabita ku Galatiya, na Tito yabita ku Dalumatiya.