Luka 9:48 - I CILAGANE CIPYA 1991

⁴⁸ Yakawatya. “Muli wose, mono komubocela mwana yuyu mudodo mwitagwa lyangu, yakumbocela nene: na muli wose mono yakumbocela nene, yakumubocela mono yanhuma, hambi u mudodo muno muli nyenye nha yo muwaha wa wose.”

Luganuzi Luswanu Kuli Wanhu Wose 2002

⁴⁸ Yakawatya. “Muli wose, mono komubocela mwana yuyu mudodo mwi'tagwa lyangu, yakumbocela nene: na muli wose mono yakumbocela nene, yakumubocela mono yanhuma, hambi u mudodo muno muli nyenye, nha yo muwaha wa wose.”

Luka 9:48 ပူးပေါင်းရင်းမြစ်များ

Matayo 18:10

“Ale mwilanjililaje! Mulece kumubedegala yunji muyagwe ne wadodo wawa. Nghumulonjelenyi imbeka, vyono i wamalayika wawo kuko ku wulanga, wekalaga nhondo zose ha mwande yo Sogo yangu mono yali ku wulanga. [

Matayo 18:14

Yo nhavivyo, sunga no Sogo yenyu wa ku wulanga, si yendile yumonga wa muli iwadodo wawa yajilile.

Matayo 19:28

Yesu yakawalonjela, yakatya, “Ane nghumulonjelenyi mbeka, vyono u Mwana wo Munhu yalaza kwikala mwigoda lye nhojo, lyo lukumyo lwakwe, mu yinze yimhya, nanye mono mukunhyatya, molokwikala mu magoda ikumi na mejete, akuno mukuzilingʼaniza izinghungugo ikumi na nyejete za Isilayeli.

Matayo 25:40

Nayo u Mutemi kowapitula yawe kutya, ‘Mbeka nghumutyenyi, vyono co cose cono mwamutendela yumonga muli wawa i wandugu zangu wadodo, ale, mwanhendela nene.’

Matayo 25:45

Nayo kowapitula yawe kutya, ‘Nghumulonjelenyi mbeka, vyono bahalya du lono mwalemela kumutendela nghani zizi yunji wo wose wa muli wawa i wadodo wangu, ale, mwalema kunhendela nene.’

Maluko 9:37

“Mono yakumubocela mwana mudodo mono yenha yuyu mwitagwa lyangu, yakumbocela nene, na mono yakumbocela nene, siyakumbocela nene du, langa yakumubocela yuyo mono yanhuma.”

Luka 10:16

Hanyuma yakatya, “Mono yakumuhulicizenyi nyenye, yakuhulika na nene. Na mono yakulema kumubocelenyi nyenye, yakulema kumbocela nene. Munhu wowose mono yakulema kumbocela nene, yakulema kumubocela mono yanhuma.”

Luka 14:11

Hambi muli wose mono yakwikumya mweneco, nha konyetywa, nayo mono yakwinyetya, yo kokumywa.”

Luka 22:26

Ninga yilece kuwa nha vivyo muli nyenye, langa u muwaha muli nyenye yaweze nha mudodo, nayo mono kowa mulongozi, yaweze nha mono yakwituma.

Luka 22:30

Musume kulya no kungʼwa ha wulilo wangu mu wutemi wangu. Nanye molokwikala mu magoda go wutemi mukugalingʼaniza makungugo ikumi na mejete ga Isilayeli.”

Luka 7:28

Yesu yakatya, “Mu wana wose we wanhu, hasina mono yamucizize Yohana u Mubaputizi. Hamba nha vivyo, u mudodo muno mu wutemi wo Mulungu yo muwaha si nho mwene.”

Yohana 13:20

Mbeka nghumutyenyi, Mono yakumubocela mono yanhuma, yakumbocela nene, nayo mono yakumbocela nene, yakumubocela mono yanhuma.”

Yohana 14:21

Mono yena malajilizo gangu no kugebata, yuyo yo yanyendile, nayo mono yanyendile kokwendwa na Baba, nane nomwenda, kanyhi nokwilajila kuli mwene.”

1 Watesalonike 4:8

Holeka mono yakugabedegala i mejizo gago, si yakumubedegala munhu, langa yakumubedegala u Mulungu mweneco mono yakumupelenyi u Muhe wakwe Mono Yelile.

1 Petelo 5:6

Holeka mwinenenyheze mu muwoko wo Mulungu wono wuli vilungo, ho yamunyasulenyi mu cidaha cono cinojeye.

Wugubule 21:14

Ne majinji gose ge likaya lilyo, gali mazenje mu mabwe ikumi na mejete go musinji, na mucanyha ye mabwe gago, mwali mwandikwe i matagwa ge watumwa ikumi na wejete wo Mwana we ngholo.

Wugubule 3:21

“Wono wosuma, ale wawo nowekaza hamonga nane mwigoda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.