Luka 9:12 - I CILAGANE CIPYA 1991

¹² Ne lizuwa lono lyali lyeza lili behi no kugwila, wakaza we likumi na wejete, wakamutya, “Uwelagaje wanhu wabite ku vitumbi na muʼsi yono yipilime, wakalondole wugono ne zindigwa; hambi kuno nha cili mu nyika.”

Luganuzi Luswanu Kuli Wanhu Wose 2002

¹² Ne lizuwa lono lyali lyeza lili behi no kugwila, wakaza we likumi na wejete, wakamutya, “Wuwelagaje wanhu wabite ku vitumbi na mu'si yono yipilime, wakalondole wugono ne zindigwa; hambi kuno nha cili mu nyika.”

Luka 9:12 ပူးပေါင်းရင်းမြစ်များ

Matayo 14:13

Nayo Yesu yali zihulika zizo, yakawuka i hanhu baho, yakatulucila mu ngalawa, yakabita hanhu hanji hono hali helejehile ho yatule yali wene. Ninga i wanhu waza kumanya, wakamutyatya, wakujenda kwe migulu, wakulawilila mu makaya gawo.

Matayo 15:23

Ninga Yesu, hamba si yamupitula cinji ngʼo. Ale i wejizwa wakwe, wakamubitila, wakamutya, “Wumu-lonjelaje u mucekulu yuyo yabite, hambi alu nha yakucityatya tyatya du akuno yakuzoza.”

Matayo 15:32

Ale, Yesu yakawacema i wejizwa wakwe yakawatya, “Ane nghuwawonela u lusungu i wanhu wawa, vyono wawezana nane mu vilo vidatu, hamba siwaliye cinji. Holeka si nendile niwalece wabite akuno wadabuce, wologwa mu nzila bwete.”

Luka 9:11

Ninga i wanhu waza kumanya kono yabitile, wakamutyatya: Yesu yakawabocela yakawaganulila zo wutemi wo Mulungu, nawo wono wasakaga kuponywa, yakawaponya.

Luka 9:13

Ninga Yesu yakawatya, “Muwapele nyenye ndigwa walye.” Wakatya, “Ase cisina cinji, langa mikate mihano du na somba nyejete, lunji cibite co weneco cikawagulile ndigwa wanhu wawa wose!”

Yohana 6:1

Hanyuma ya zizi, Yesu yakabita ku nhumbi nzagwe ye lilamba lya Galilaya, lyo lye Tibeliya.

Wafilipi 1:19

Hambi nha manyile vyono, so wulombe wenyu na ku so wutazi wo Muhe wa Yesu Kilisito ane nokombozwa.