Luka 8:8 - I CILAGANE CIPYA 1991

⁸ Zimbeyu zinji zikalagala mu muhangha muswanu, zikawiluka, zikalela mhece igana.” Yaza kukondya kulonga zizo, yakalonga na izi iwaha, yakatya “Holeka muhulice, hono mwina makutu.”

Luganuzi Luswanu Kuli Wanhu Wose 2002

⁸ Zimbeyu zinji zikalagala mu muhangha muswanu, zikawiluka, zikalela mhece yigana.” Yaza kukondya kulonga zizo, yakalonga ne yizi yiwaha, yakatya “Holeka muhulice, hono mwina makutu.”

Luka 8:8 ပူးပေါင်းရင်းမြစ်များ

Matayo 11:15

Ale muhulice hono mwina makutu!

Matayo 13:23

Nayo i mbeyu yono yagwila mu muhangha u muswanu, yihwanile u munhu mono yakuyihulika inghani yiyo no kuyizuka, no munhu yuyo kalelaga i mikalo, ne mbeyu monga yilavyaga mhece igana limonga, na yinji yikulavya makumi mutandatu, na yinji makumi madatu.”

Maluko 4:20

Ninga iwanhu wanji, wehwanile nhe zimbeyu zilya zono zamizwa mu muhangha muswanu. Awa wo wakuyihulika i nghani yiyo, wakuyibocela, no kulela mikalo: wanji makumi madatu, na wanji makumi mutandatu na wanji igana limonga.”

Maluko 4:23

Ale, hulicenyi, hono mwina makutu!”

Maluko 4:8

Zinji zikalagla mu muhangha muswanu, zikawiluka no kulela: zinji zikalela mhece makumi madatu, zinji makumi mutandatu, na zinji igana.”

Maluko 7:16

Ale hulicenyi hono mwina makutu!]”

Luka 14:35

Si wukwiliye kanyhi hamba mu mugunda, hamba kuwa mboleya bwete langa wawutagaga du kunze caka. Holeka muhulice, hono mwina makutu!”

Luka 8:15

Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakuleta mikalo mu wukangalile.

Luka 8:7

Zinji zikalagala mu mabici ge mamivya, zikawilukana hamonga ne mamivya, gakazititiliza.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wumumanyo u Mulungu.

Wugubule 13:9

“Holeka mono yene makutu go kuhulicila, ale yahulice!

Wugubule 2:11

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, si wotamiswa ne lifwa lye kejete yaye.

Wugubule 2:7

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, ale, nowapela i lingʼani yo kulye mana go mubici wo wumi, wono wuli mu mugunda wo Mulungu.”

Wugubule 3:13

“Mono yena makutu go kuhulicila, ale yazihulikaje zono u Muhe yakugalonjela i Makanisa!

Wugubule 3:6

“Mono yena makutu go kuhulicila, ale yazihulikaje zono u Muhe yakugalonjela i makanisa!