Luka 8:41 - I CILAGANE CIPYA 1991

⁴¹ Baho yakaza munhu, itagwa lyakwe Yayilo, nayo yali muwaha we nhangʼanilo yo wuhembelo, yakagwa ha magulu ga Yesu, yakamunena yaze kwakwe;

Luganuzi Luswanu Kuli Wanhu Wose 2002

⁴¹ Baho yakaza munhu, litagwa lyakwe Yayilo, nayo yali muwaha we nhang'anilo yo wuhembelo, yakagwa ha magulu ga Yesu, yakamunena yaze kwakwe;

Luka 8:41 ပူးပေါင်းရင်းမြစ်များ

Luka 13:14

Ninga u muwaha we nhangʼanilo yo wuhembelo yakasimba vyono Yesu yamuponya u mucekulu yuyo mwizuwa lye Sabato, na ho baho yakawa kuwalonjela wanhu wono wali wekonghoye baho, yakutya, “Ko vili vilo mutandatu vyo kwitumila mulimo, holeka mu vilo vivyo, mweze kuza kulagulwa, langa mwizuwa lye Sabato ngʼo.”

Luka 17:16

yakegwisa hasi ha mwande ye magulu ga Yesu, akuno yakumulumba. Nayo yali Musamaliya.

Luka 5:8

Simoni Petelo yaza kuziwona zizo, yakafugama hamwande ya Yesu, yakutya “Uwuce hono hangu, Gwe Muwaha, hambi ane nha nili munhu mubi.”

Luka 8:42

hambi nha yali yena mwana wa cicekulu we ciwene, kotya wa myaka ikumi na myejete, nayo yali yeza behi no kufwa. Ninga Yesu lono yabitaga wanhu wenji wakamumemela.

Luka 8:49

Na lono Yesu yali yakali kulonga, Yayilo yakaletelwa nghani kulawa kukaya kwakwe, vyono, “U mwanago yakondya kufwa, ulece kumugaza Mwijizi.”

Yohana 11:21

Malita yakamutya Yesu, “Muwaha, mhali wali wuwe wuli baha, u lumbu lyangu si yali yafwe ngʼo.

Metumo ge Watumwa 13:15

Imasomo gali geza kukondya kusomwa, mu wulawa mu citabu co Wulajilize wa Musa, mu mandiko ge wawizi, iwanhu we nhangʼanilo yiyo yo wuhembelo, wakawatumila munhu, wakutya, “Nye wandugu, cikumulombenyi hono mwina nghani yo kuwejiza wanhu, ale lonjenyi.”

Metumo ge Watumwa 18:17

Nawo wose wakamwibata Sositene, u muwaha we nhangʼanilo yo wuhembelo, wakamutowela ha mwande ye mahakama. Ninga Galiyo si yazitununhicila zizo hamba hadodo.

Metumo ge Watumwa 18:8

Na Kelisipo u muwaha we nhangʼanilo yo wuhembelo yakamwihuwila Muwaha, na wa mu nyumba yakwe wose. Ne Wakolinto wenji waza hulika zo Luganuzi lulo, wakehuwila, wakabaputizwa.

Metumo ge Watumwa 9:38

Na vyono Lida yali behi na Yopa, iwejizwa waza kuhulika vyono Petelo yali kuko ku Lida, wakatuma wanhu wejete kuli Petelo wamulonjele, “Wuze kono kwetu mbela.”

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha wanzehe makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.