Luka 8:15 - I CILAGANE CIPYA 1991

¹⁵ Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakuleta mikalo mu wukangalile.

Luganuzi Luswanu Kuli Wanhu Wose 2002

¹⁵ Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakulela mikalo mu wukangalile.

Luka 8:15 ပူးပေါင်းရင်းမြစ်များ

Matayo 24:13

Ninga u munhu wo wose mono kolokangalila sunga ko ku ndumo, yuyo langa yo kolopona.

Luka 11:28

Nayo Yesu yakamutya, “Heya, ninga wamoti muno wanhu wono wakuyihulika nghani yo Mulungu no kuyikamisa.”

Luka 6:45

Munhu muswanu, kalavyaga ziswanu kulawa mu viwutwa vyakwe vya mu nhumbula yakwe. No munhu mubi nayo kalavyaga izimbi kulawa mu viwutwa vyakwe vya mu nhumbula yakwe, hambi munhu nha kalongaga kulawa muli zono zimemile mu nhumbula yakwe.

Luka 8:14

Na zono zalagala mu mabici ge mamivya, co cihwanicizo ce wanhu wono wakuyihulika nghani, ninga mu wujendelele wawo, wakuzinjilizwa ne mahwele ne zisawo, no wiyendeze we mikalile yiyi, nawo siwakulela mikalo yono yikangaye.

Luka 8:16

“Wanhu si wakolezaga tala no kuyigubiciza, hamba kuyiwika mwivungu lye citanda; langa wayiwikaga ha wuwiko wayo, wanhu wono wakwinjila mugati, wawone wuzelu wayo.

Yohana 14:15

“Hono munyende, mokwibata i malajilizo gangu.

Yohana 15:10

Hono mwibate malajilizo gangu, mokwikala mu wendo wangu, nha vyono nane nibate malajilizo ga Baba, nikaye mu wendo wakwe.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

Walumi 6:22

Ninga alu mwakondya kuwopolelwa kuwulawa mu vilungo vyo wubi, alu mwaweza wetumami wo Mulungu, ne cambuzi cono mwina naco alu, wo wele, no mudumo wayo, wo wumi we cibitilila.

Walumi 7:18

Manyile vyono mugati yangu, musina yinji yo yose swanu, hambi ane nha nili munhu du. Ku soko vyono, hamba niwe nghusaka kunoza nghani swanu, si nosuma kwituma.

Walumi 7:4

Ale nanye wandugu zangu, ku lubavu lo Wulajilize, nanye nhavivyo mwakondya kufwa, vyono anye muli vilunzwa vyo muwili wa Kilisito, alu mwaweza muli wakwe, u mwene mono yazukulwa muli wafu, ho cisume kwikala imikalile yono yina cambuzi mu wu mwitumamila u Mulungu.

Walumi 8:25

Ninga hono cikucitumbila i cinhu cono cikali si naciwona, baho cikucilindila kwa wukangalile.

1 Wakolinto 7:19

Hambi kwalama hamba wula kwalama nha si cinji yaye, cinhu ciwaha, kwibata i malajilizo go Mulungu du.

Waefeso 2:8

Hambi nha mwakombozwa ku so lihewa lyo Mulungu mu nzila yo wihuwilo. Ne nghani yiyi si yili mu wuhidimbale wetu, langa cipegwa co Mulungu du.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wumumanyo u Mulungu.

Wakolosayi 1:6

No Luganuzi Luswanu, lukucila kulela mikalo, no kutandala mono yinze mose, nha vyono lwaza kwenyu nyenye, ku wulawa mwizuwa lililya lyono mwahulicila ze lihewa lyo Mulungu no kumanya vyono yili mbeka.

Wahebelaniya 10:36

Ninga mukusaka muwe no wukangalile, ho musume kwituma zono yakuzisaka Mulungu ho mucibocele cono yehuwiza.

Wahebelaniya 2:1

Holeka yicinojeye cicile kuzikamisa muno zose zono cazihulika, ho cilece kwajilizwa.

Yakobo 1:4

Kanyhi mweze mumanyile vyono ingola yenyu yomutazenyi sunga ku ndumo, ho muwe mukamile kanyhi mukwilaniciye, ho mulece kucepucilwa na cinji co cose.

1 Yohana 2:3

Hono cigakamise i malajilizo go Mulungu, ale ho cosuma kumanyila lukulu vyono cimumanyile.