Luka 8:13 - I CILAGANE CIPYA 1991

¹³ Azilya zono zalagala hono hogali mabwe, zikulajila iwanhu wono wakuyihulika nghani no kuyibocela na nyemo. Ninga hamba nha vyono zinha zimbeyu zizo, iwanhu wawo wakuwa wasina milela, wono wehuwilaga kwa cidaha du, na kolo wakujelwa, wakuwuya ne nyuma.

Luganuzi Luswanu Kuli Wanhu Wose 2002

¹³ Azilya zono zalagala hono hogali mabwe, zikulajila iwanhu wono wakuyihulika nghani no kuyibocela na nyemo. Ninga nha vyono zinha zimbeyu zizo, iwanhu wawo wakuwa wasina milela, wono wehuwilaga kwa cidaha du, na kolo wakujelwa, wakuwuya ne nyuma.

Luka 8:13 ပူးပေါင်းရင်းမြစ်များ

Maluko 6:20

Na Helode yamogopaga Yohana, hambi nha yali yamanyile vyono mwene yali munhu we lingʼani kanyhi yelile, holeka yakamukamisa. Helode yali yendile kumuhuliciza Yohana, hamba yiwe kolo yamuhuliciza, yakagazika muno.

Luka 8:12

Zono zalagala mu nzila, zikulajila iwanhu wono wakuyihulika nghani hanyuma Setani yakuza yakuyiwusa yiyo nghani mu zinhumbula zawo, ho walece kwihuwila no kupona.

Luka 8:14

Na zono zalagala mu mabici ge mamivya, co cihwanicizo ce wanhu wono wakuyihulika nghani, ninga mu wujendelele wawo, wakuzinjilizwa ne mahwele ne zisawo, no wiyendeze we mikalile yiyi, nawo siwakulela mikalo yono yikangaye.

Yohana 15:2

Mwene kaliwusaga muliʼne ilinhambi lyo lyose lyono si lilelaga mikalo, ne linhambi lyono lilelaga, kalidumulilaga ho licile kulela muno.

Yohana 15:6

Munhu wo wose hono yalece kwikala muli nene, yakutagwa kunze kotya inhambi vyono walitagaga, nalyo liwa kunyala. Nawo wanhu wakuwa kulikongholeza, wakulitajila mu moto, nalyo liwa kutakamila.

Yohana 5:35

Yohana yali yenha tala yono yikwaka no kumulika, nanye mukawa mwiwikanize kuwusangalalila u wuzelu wuwo kwa cidaha.

1 Wakolinto 13:2

Na kanyhi yisumice niwe ne cipegwa ciswanu co kuyiganula nghani yo Mulungu, no kuzimanya ze cinyele zose, sunga no kusuma kuzimanya zose, kanyhi ndahile kuwa no wihuwilo wono wukwilaniciye, sunga sume kugahamye matunda, ninga hamba nha vivyo hono niwe sina wendo, ane si nili cinji yaye.

1 Wakolinto 15:2

Na vyono na mu nzila ya lulo Luganuzi Luswanu, mo mukuponyezwa, hono muzibate zinghani zono namuganulilenyi, na kanyhi hono yiwe si mwehuwila bwete.

Wagalatiya 3:1

Anye mo Wagalatiya, mbeka mweza muli walele! alo mono yamukulujenyi nani? Hambi inghani yo wutumbikwe wa Yesu Kilisito, nha mwanzalicilwa ha meso genyu.

Wagalatiya 3:4

Alo wo wutya, i zinghani zose zilya zono zamutujenyi zawa za bwete? Si yosumika yaye!

Waefeso 3:17

nayo Kilisito yekalaje mu zinhumbula zenyu ko wihuwilo. Nghumulomba muwe mukamile mu musinji wo wendo,

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

Wakolosayi 2:7

Kanyhi munojeye muhomele milela muli mwene no kwizenga muli mwene kanyhi musikame mu wihuwilo wenyu nha vyono mwejizwa. Muweze ne lilumbo iwaha.

1 Watesalonike 3:5

Ku soko yiyo holeka nane nghamutumilenyi Timoteyo. Vyono si nasuma kulindila kanyhi, holeka nghamutumilenyi ho hulice muli zo wihuwilo wenyu. Yilece kuwa na lunji u mukonji yamujelenyi, no mulimo wose wono cawituma muli nyenye wuwe wa bwete!

1 Timoteyo 1:19

kanyhi uwukamisaje u wihuwilo wako ne ciselinji ciswanu. Hambi iwanhu wanji vyono si wasaka kuvihuliciza i viselinji vyawo, ale, holeka wakawu-hodanga u wihuwilo wawo.

Wahebelaniya 10:39

Ninga ase si cili wayagwe na walya wono wakuwuya ne nyuma, no kwajilila, langa ase cihuwiye no kuponywa i zinhumbula zetu.

Yakobo 2:26

Ale, nha vyono umuwili wezaga wufwiye hono wusina muhe, ale nha vivyo no wihuwilo nawo, wezaga wufwiye hono wusina metumo.

2 Petelo 2:20

Ne wanhu wono wali wakondya kupona mu muwuhodanjice we yinze mu nzila yo kumumanya Muwaha no Mukombozi wetu Yesu Kilisito, kanyhi hanyuma yayo, wakeyendela weneco kugwizwa no kutemwa kanyhi no wuhodanjice wuwo, i mikalile yawo yowa mibi muno kuciza ya halulongozi.

2 Petelo 2:22

Hambi nha howuli mulongo wono wutezaga, Ilibwa ligawuyilaga kanyhi imadeko galyo lyeneco. “No mulongo wunji wutezaga, Ligubi lyono lihovugwe, libiducizaga kanyhi mu madabaga!” Nhavivyo vyo yimile lu kuli wene.

1 Yohana 2:19

Ne wanhu wawo wakulawilila muli sese, ninga i mbeka si wali wayetu na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.

Yuda 1:12

Na ku so mazozo gawo gono gasina cogopo, i wanhu wawo waweza manamha mabi mu wihangulize wenyu mu ndigwa yo Muwaha, wakuwa kwiyilanga weneco du, kanyhi wenha i mavunde gono gasina malenga, gono gakupemheluswa ne mbeho no kutegulwa ako na ako. I wene wenha mibici yono si yilelaga mana hamba yiwe co cipango cayo co kulela, wenha kotya i mibici yono mikulwe ne milela yayo, wafwiliye lukulu.