Luka 8:1 - I CILAGANE CIPYA 1991

¹ Hanyuma ya zizo, Yesu yakakola mu makaya na mu vitumbi, yakulonga no kuganula Luganuzi Luswanu lwo wutemi wo Mulungu. Na awalya we likumi na wejete wali hamonga nayo.

Luganuzi Luswanu Kuli Wanhu Wose 2002

¹ Hanyuma ya zizo, Yesu yakakola mu makaya na mu vitumbi, yakulonga no kuganula Luganuzi Luswanu lo wutemi wo Mulungu. Na awalya we likumi na wejete wali wali hamonga nayo.

Luka 8:1 ပူးပေါင်းရင်းမြစ်များ

Matayo 11:1

Nayo Yesu yali yeza kukondya kuwalajiliza i wejizwa wakwe, hodu yakawuka kuko, yakawa kubita kwijiza no kuganula, mu makaya gawo.

Matayo 13:19

U munhu wo wose mono yakuyihulika inghani yo Wutemi, hamba kuyizuka yaye, yuyo yo yehwanile i zimbeyu zizilya zono zagwa mu nzila, nayo u Mubi kazaga no kuyisukula ayilya yono yali yakondya kuhadikwa mu nhumbula ya yuyo munhu.

Matayo 4:23

Yesu yapilimaga mose mu yisi ya Galilaya, yakwijiza mu matangʼanilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Matayo 9:35

Nayo Yesu yakagajendela i makaya gose ne vitumbi, yakawa kwijiza mu matangʼanilo gawo go wuhembelo akuno yakuluganula u Luganuzi Luswanu lo Wutemi wo Mulungu, hamonga no kuponya imatamwa gose go wusocele we mawala gose.

Maluko 1:39

Ale, yakapilima hanhu hose mu Galilaya, yakuganula mu matangʼanilo gawo go wuhembelo no kulavya macisi.

Luka 1:80

U mwana yakawiluka, yakonjelezeka vilungo mu nhumbula, yakekala mu nyika, sunga mwizuwa lyo wilajile wakwe kuli wanhu wa Isilayeli.

Luka 20:1

Kukawa izuwa linji, lono yawejizaga wanhu mu Nyumba yo Mulungu, no kuganula Luganuzi Luswanu, Wakohani wawaha ne wejizi wo Wulajilize ne wanyamhala wakamuziza,

Luka 4:18

“U Muhe wo Muwaha wuli muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Luka 9:6

Wakatuluka, wakakola mu vitumbi wakaganula Luganuzi Luswanu, no kuponya watamwa hanhu hose.

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Metumo ge Watumwa 13:32

Nase alu, ciza bahano, ho cimuletelenyi u Luganuzi Luswanu, inghani yiyilya yono u Mulungu yawehuwiza wa kuku zetu,

Walumi 10:15

Kanyhi, iwanhu ho woganula nhawule hono walece kutumwa? Nha vyono gakutya i Mandiko Gono Gelile, “Yo nghani yono yikwendeza muno, yo wuze wa wono wakuganula u Luganuzi Luswanu.”