Luka 7:37 - I CILAGANE CIPYA 1991

³⁷ Na mwitumbi lilyo mwali moyuli mucekulu yunji mono yali yena mikalile mibi. Nayo yaza kumanya vyono Yesu yali yekaye yakulya mu kaya yo Mufalisayo, yakaleta supa ya mafuta ge mhunjile swanu,

Luganuzi Luswanu Kuli Wanhu Wose 2002

³⁷ Na mwitumbi lilyo, mwali moyuli mucekulu yunji mono yali yena mikalile mibi. Nayo yaza kumanya vyono Yesu yali yekaye yakulya mu kaya yo Mufalisayo, yakaleta supa ya mafuta ge mhunjile swanu,

Luka 7:37 ပူးပေါင်းရင်းမြစ်များ

Matayo 21:31

Alu wa hayi wa muli wawa i wejete mono yetuma u wuhile wo sogwe?” Nawo wakamupitula wakatya, “Yuyulya u mwana mulongozi.” Yesu yakawatya, “Nane nghumulonjelenyi mbeka, vyono i watoweza kodi, sunga ne wasenyha, womulongolelenyi kwinjila mu wutemi wo Mulungu.

Luka 18:13

Ninga ayulya mutoweza kodi yakema kutali, hamba si yenda no kwinula meso gakwe ku wulanga, ninga yaketowa mu mhambaga ko wukalale, yakatya, “Gwe Mulungu Umbonele lusungu ane no mubi.”

Luka 19:7

Wanhu wose waza kuwona zizo, wakawa kwanza kungʼungʼulika wose, wakutya, “Kenjila kuduwa kuli munhu mubi.”

Luka 5:30

Wafalisayo ne wejizi wo Wulajilize wakawangʼungʼulicila wejizwa wakwe; wakutya. “Alo so cici mukulizana kanyhi mukungʼwezana ne watoweza kodi ne wanyo wubi?”

Luka 5:32

Hambi nha si naza kuwacema i wanhu waswanu, langa i wanyo wubi, ho wanene.”

Luka 7:34

U Mwana wo Munhu nha yaza yakulya no kungʼwa, nanye mukatya, Langa ta munhu yu mubuguci, na mungʼwa divayi mwendece we watoweza kodi na wanyo wubi!

Luka 7:36

Mufalisayo yunji yakamusaka Yesu yalye ndigwa kwakwe. Nayo yakenjila mu nyumba ya yuyo Mufalisayo yakekala yalye ndigwa.

Yohana 11:2

Nayo Malyamu yo yulya mono yamubaka Muwaha mafuta maswanu, kanyhi yakawa kumupata mu magulu ne zimvili zakwe. U lumbulye Lazalo yo yali yatamigwe.)

Yohana 9:24

Hobaho wakawa kumucema lwe kejete, yuyulya mono yali yali cibofu, wakamutya, “Lonje mbeka hali Mulungu! Ase cimanyile vyono munhu yuyu yena wubi.”

Yohana 9:31

Cimanyile vyono Mulungu si yakuwa kuwahulika wanyo wubi, ninga munhu hono yawe kamogopaga Mulungu no kwituma zo wuhile wakwe, yuyo langa u Mulungu kamuhulikaga.

Walumi 5:8

Ninga u Mulungu yakangazize vyono mwene yacendile, hambi lono ase cali cikali wahodanji, Kilisito yakafwa ku soko yetu.

1 Timoteyo 1:15

No wulonje wuwu nha we mbeka, na kanyhi wunojeye wuvumilwe muno muno, vyono Kilisito Yesu yaza kononze kuwaponya wanyo wubi. Nane nha nili mubi kuciza wawo wose.

1 Timoteyo 1:9

Ninga yicinojeye cikumbucile vyono u Wulajilize si wukuwa kuwikwa so wanhu waswanu, langa wuwikagwa ku soko ye wahodanji na wono wasina cihuliko, wono siwamogopilo u Mulungu na wanyo wubi, iwanhu wono wasina dini kanyhi we ciyinze yinze. Kanyhi wuwikagwa ku soko ye wanhu wono wawulagaga i wasogo zawo ne wanyina zawo, wawulaga wanhu,

1 Petelo 4:18

Nha vyono i Mandiko Gono Gelile gakutya, “Hono vikamu kuli wanhu we lingʼani kuponywa, yolowa wule lu, kuli wanhu wono siwamogopago Mulungu ne Wanyo wubi?”