Luka 7:25 - I CILAGANE CIPYA 1991

²⁵ Ninga mwabitaga kulanga cici? Mwabitaga kumuwona munhu mono yavwalile vivwalo vye cimalidadi? Lanjenyi, wono wena vivwalo vyo lukumyo, no kwikala mu mikalile yo wumote wa za mononze, wekalaga mu zinyumba ze watemi!

Luganuzi Luswanu Kuli Wanhu Wose 2002

²⁵ Ninga mwabitaga kulanga cici? Mwabitaga kumuwona munhu mono yavwalile vivwalo vye cimalidadi? Lanjenyi, wono wena vivwalo vyo lukumyo, no kwikala mu mikalile yo wumote wa za mononze, wekalaga mu zinyumba ze watemi!

Luka 7:25 ပူးပေါင်းရင်းမြစ်များ

Matayo 11:8

Alo mwabitaga ho mukawone ci cici? Mwabitaga ho mukamulanje u munhu mono yavwalile i vivwalo vye cimalidadi? Ninga i wanhu wono wavwalaga i vivwalo vye cimalidadi wekalaga mu zikaya ze watemi.

Matayo 3:4

Nayo Yohana yavwalaga mwenda wono wali muhonwe no wusinga we ngamiya, kanyhi yali yewopile no musipi we nyhingo mu ciwino cakwe. Ne ndigwa yakwe yali zinzije no wuci wa mu mbago.

Matayo 6:29

Ninga nghumulonjelenyi mbeka, vyono sunga no mutemi Solomona mweneco, hamonga ne nhojo yakwe, hamba si yasuma kuvwala myenda miswanu nha vyono linha limonga lye maluwa gaga.

Luka 16:19

Ale kwali na munhu yunji mugoli, yavwalaga myenda yo wuguzi wukamu muno, myenda ye liwala lye litoga na bafuta swanu. Yekalaga yakumota vilo vyose.

Luka 7:24

Waza kutuluka wono watumwa na Yohana, Yesu yakanza kuwalonjela mapuga ge wanhu, za Yohana. “Mwene mwabitaga kunyika kulanga cici?” Mwasakaga kuwona lihanze lyono lyayumvyagwa ne mbeho?

Luka 7:26

Ta munonjelaje, mwalawa kulanga cici, Mwabitaga kumuwona muwizi lo? Heya, mbeka mono yamucizize no muwizi.