Luka 7:16 - I CILAGANE CIPYA 1991

¹⁶ Wanhu wose wakebatwa no woga, wakamulumbo u Mulungu, wakutya, “Muwizi muwaha kalawila mwetu; no Mulungu kaza kuwakomboza wanhu wakwe.”

Luganuzi Luswanu Kuli Wanhu Wose 2002

¹⁶ Wanhu wose wakebatwa no woga, wakamulumba u Mulungu, wakutya, “Muwizi muwaha kalawila mwetu; no Mulungu kaza kuwakomboza wanhu wakwe.”

Luka 7:16 ပူးပေါင်းရင်းမြစ်များ

Matayo 15:31

I lipuga lye wanhu, likezina muno muno lono lyaza kuwawona we cibwibwi wakulonga, wono wali walemaye, alu wapona, na we citewe, alu wakujenda, sunga wono wali wali cibofu, nawo luno wakuwona, baho wakawa kumukumya u Mulungu wa Isilayeli.

Matayo 21:11

Iwanhu wanji wa mwipuga lililya lye wanhu wakatya, “Ayu yo muwizi Yesu, mono yakulawilila ku Nazaleti mu yisi ya Galilaya.”

Matayo 28:8

I wacekulu wawo, nawo lono akuno wali wena no woga, hamonga ne nyemo mbaha, wakawuka mbela mbela ha citenjelo, wakamangha, wakabita wakawalonjela i wejizwa wakwe.

Matayo 9:8

Ne wanhu wose wono wali wali mwipuga lilyo, waza kuziwona zizo, wakezina muno akuno wakogopa, wakamukumyo u Mulungu mono yawapelile wanhu ivilungo vinha vivi.

Luka 1:65

Woga wukawebata wose wono wali wekaye behi nawo, na zizo zose zikahulikwa kose mu matunda ga Yudiya.

Luka 1:68

“Yalumbwe Muwaha Mulungu wa Isilayeli. Hambi nha kawaziza, kawanozeza wukombozwe wanhu wakwe.

Luka 19:44

Wolokongomeza gwegwe, hamonga ne wanago wono wali mumo. Nawo si wolokusigaziza hamba ibwe limonga mucanyha mwibwe liyagwe, vyono si watanga ilipango lyono Mulungu yaziza kukuponya.”

Luka 2:20

Wadimi wawo wakawuya, wakawa kumukumya no kumulumbo Mulungu so zose zono wazihulika na zono waziwona, nha vyono walonjelwa.

Luka 24:19

Nayo yakawatya, “Nghanici lo?” Nawo wakamutya, “Zinghani zono zamutuga Yesu wa Nazaleti. Mono yali muwizi we vilungo mu mulimo, na mu zinghani hali Mulungu, na hali wanhu wose.

Luka 5:26

Wose wakezina no kwibatwa no woga, wakamukumyo Mulungu, wakutya, “Nye, ciwona mezino zuwali!”

Luka 5:8

Simoni Petelo yaza kuziwona zizo, yakafugama hamwande ya Yesu, yakutya “Uwuce hono hangu, Gwe Muwaha, hambi ane nha nili munhu mubi.”

Luka 7:15

Yuyo mono yali yafwiye, yakenuka yakekala, no kwamula kulonga. Na Yesu yakamupelo nyina.

Luka 7:39

U Mufalisayo yuyo mono yamucema Yesu, yaza kuziwona zizo, yakatya mu nhumbula yakwe, “Munhu ayu yali yawe muwizi, yali yamutanje mucekulu yuyu vyono yenha na vyono mubi.”

Luka 8:37

Ne wanhu wose we yisi ya Wagelasene wakebatwa na woga wuwaha, holeka wakamunena Yesu yawuce, yabite. Nayo Yesu yakenjila mu ngalawa, yakawuka.

Luka 9:19

Wakapitula “Wakutya, Yohana u Mubaputizi, ninga wanji wakutya, yo gwegwe Eliya, na wanji wakutya, yumonga muyagwe ne wawizi we katali kazuka.”

Yohana 1:21

Nawo wakamuwuza wakatya, “Alu gwegwe nani? Yo gwegwe Eliya lo?” Yohana yakatya, “Ngʼo yo si nene.” Wakamuwuza “Yo gwegwe muwizi yulya?” Yohana yakawapitula yakatya “Ngʼo yo si nene.”

Yohana 1:25

Nawo wakamuwuza Yohana wakamutya, “Alu agwe hono si wuli Kilisito, hamba Eliya, hamba muwizi yulya, nhawule wukubaputiza?”

Yohana 4:19

Nayo mucekulu yakamutya, “Muwaha, nghuwona vyono agwe wuli muwizi.

Yohana 6:14

Iwanhu wawo waza kuciwona citanjilo cono Yesu yanozize, wakatya, “Ayu he yo muwizi mbeka, mono yakuza kononze.”

Yohana 9:17

Wakamuwuza kanyhi munhu yuyulya mono yali yali cibofu, wakatya, “Alu agwe ukumutya wule munhu yuyo vyono yakunuguze i meso gako?” Nayo yakawatya, “U Mwene yo Muwizi.”

Metumo ge Watumwa 5:5

Nayo Ananiya yaza hulika zinghani zizi, yakagwa hasi no kufwa baho baho. No woga wuwaha muno muno wukawebata wose wono wazihulika zizi.

Metumo ge Watumwa 7:37

Yo mwene yuyo Musa mono yawatya wana wa Isilayeli, ‘U Mulungu kolomwinulilenyi Muwizi kulawa mu wandugu zenyu yenha nene.’

Wagalatiya 1:24

Nawo wakamukumya u Mulungu ku soko yangu.