Luka 6:49 - I CILAGANE CIPYA 1991

⁴⁹ Ninga mono yakuzihulika zinghani zangu, hamba kwituma cinji, yuyo yehwanile munhu mono yazenga kaya yakwe mu muhangha caka du, hamba kuwicila musinji, malenga gakayikundujiza kaya yiyo, nayo yikagwa no kuhodanjika lukulu.”

Luganuzi Luswanu Kuli Wanhu Wose 2002

⁴⁹ Ninga mono yakuzihulika zinghani zangu, hamba kwituma cinji, yuyo yehwanile munhu mono yazenga kaya yakwe mu muhangha caka du, hamba kuwicila musinji, malenga gakayikundujiza kaya yiyo, nayo yikagwa no kuhodanjicila lukulu.”

Luka 6:49 ပူးပေါင်းရင်းမြစ်များ

Matayo 23:3

Holeka munojeye anye mwibataje, no kwituma zose zono womulonjelenyi. Ninga mulece kwiga imetumo gawo, hambi nha sunga na weneco nha si wakuzituma zizilya zono wakuziganula.

Matayo 24:10

Na mu vilo vivyo, wanhu wenji wolowuleka u wihuwilo wawo wolokwigalucila weneco wose no kwisula.

Maluko 4:17

Ninga siyikuwenjila no kuwa na milela muli wene, nawo wakujendelela kuyibata inghani yiyo cidaha cidodo du, na kolo wukwijela wugaye, hamba wuwinjilizwe so nghani yiyo, hodu wakutukuwike i mitima yawo, no kuyileka kamonga.

Luka 12:47

Ninga mwitumami yuyo mono yali yamanyile wuhile wo mutwawe, nayo si yewikanize kwituma zo wuhile wo mutwawe, yuyo kotowa muno muno,

Luka 19:14

Ninga wanya wusi wayagwe wakamusula, holeka wakatuma watumwa, wabite wakatye. ‘Si cikusaka yuyu yateme muli sese.’

Luka 19:27

Ninga wawo walugu wangu, wono si wali wendile niwe mutemi wawo, waletenyi kuno, muwawulajile hamwande yangu.”

Luka 6:46

“Nghuwona mukunyitya, Muwaha, Muwaha, akuno si mukwituma zono nghulonga?

Luka 6:48

Yuyo yehwanile munhu mono yakuzenga kaya, mono yahimba hasi muno, no kuwika musinji wa mabwe, gakaza malenga menji, gakayikundujiza kaya yiyo, hamba kuyisinjisa ngʼo vyono yali yizenjigwe mu musinji wono wukamile.

Luka 7:1

Yaza kukondya kulonga zinghani zakwe zose hali wanhu, Yesu yakabita ku Kapelanawumi.

Yohana 15:2

Mwene kaliwusaga muliʼne ilinhambi lyo lyose lyono si lilelaga mikalo, ne linhambi lyono lilelaga, kalidumulilaga ho licile kulela muno.

Metumo ge Watumwa 20:29

Manyile vyono ane kolo neza kuwuka, imaminzi makali golomwinjililenyi, si gololileka litewa.

Metumo ge Watumwa 26:11

Kali kenji nawatowaga mu matangʼanilo go wuhembelo gose, nghawa kuwadindimiza watovule wihuwilo wawo. Ne likuwo lyangu kuli wene likacila muno, holeka nghawa kuwalondelela sunga mu matumbi go kutali.

1 Watesalonike 3:5

Ku soko yiyo holeka nane nghamutumilenyi Timoteyo. Vyono si nasuma kulindila kanyhi, holeka nghamutumilenyi ho hulice muli zo wihuwilo wenyu. Yilece kuwa na lunji u mukonji yamujelenyi, no mulimo wose wono cawituma muli nyenye wuwe wa bwete!

2 Petelo 2:20

Ne wanhu wono wali wakondya kupona mu muwuhodanjice we yinze mu nzila yo kumumanya Muwaha no Mukombozi wetu Yesu Kilisito, kanyhi hanyuma yayo, wakeyendela weneco kugwizwa no kutemwa kanyhi no wuhodanjice wuwo, i mikalile yawo yowa mibi muno kuciza ya halulongozi.

1 Yohana 2:19

Ne wanhu wawo wakulawilila muli sese, ninga i mbeka si wali wayetu na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.