Luka 6:25 - I CILAGANE CIPYA 1991

²⁵ “Woyi he nye mono mwigute aluno, hambi nha molodabuka. “Woyi he nye mono mukuseka aluno, hambi nha molokalala no kulila.

Luganuzi Luswanu Kuli Wanhu Wose 2002

²⁵ Woyi he 'nye mono mwigute aluno, hambi nha molodabuka. Woyi he 'nye mono mukuseka aluno, hambi nha molokalala no kulila.

Luka 6:25 ပူးပေါင်းရင်းမြစ်များ

Luka 12:20

Ningo Mulungu yakamutya, ‘Go mulele gwe, mu cilo cici du wumi wako nha wosolwa na zono wiwikanizize zowa za nani?’ ”

Luka 13:28

Kuko kolowa cililo no kugwezula meno, baho mulaza wawona Abulahamu, Isaka na Yakobo ne wawizi wose, wali mu wutemi wo Mulungu, ninga anye mukutagwa kunze!

Luka 6:24

“Ninga woyi he nye mono muli wagoli! Hambi nha mwapegwa mwakondya wusindamice wenyu.

Luka 6:26

“Woyi he nye kolo wakumulumbizenyi wanhu wose, hambi wasogo zawo nha vyo wawatendela i wawizi wo wulambi.

Luka 8:53

Nawo wakamuseka, hambi nha wali wamanyile vyono yafwiye.

Waefeso 5:4

Kanyhi i zinghani ze cevu, na zo wulele, na zo wiwanganile, zose zizo si nghani swanu kuli nyenye, langa yili ciba mweze kumulumba u Mulungu.

1 Watesalonike 5:3

I wanhu kolo wakutya, “Mulamu kanyhi kupolile.” Hobaho ho wukuziza u wuhodanji wono wukuwaziza nhinicizo! Nazo zizo zowaziza nhinicizo nho wusungu wo kulela vyono wukuwa kumuziza u mucekulu lono yakusawa, ne wanhu hamba si wosuma kwilega.

Yakobo 4:9

Muzinguce, mugaye no kulila citalo, uluseko lwenyu luweze citalo, ne nyemo yenyu yiweze wuzinguce wuwaha.

Wugubule 3:17

Agwe wukwiyitya, ‘Ane nili mugoli, nina vinhu vyose, hamba si nyanjize cinji co cose.’ Kumbe si wumanyile vyono agwe wuli musocele, kanyhi wuli munhu wo kuwonelwa lusungu, wuli muciwa, kanyhi wuli mubofu, kanyhi wusawuce!