Luka 6:20 - I CILAGANE CIPYA 1991

²⁰ Yesu yakawapitucila wejizwa wakwe yakatya, “Muli wamoti nyo waciwa: hambi wutemi wo Mulungu nha wenyu.

Luganuzi Luswanu Kuli Wanhu Wose 2002

²⁰ Yesu yakawapitucila wejizwa wakwe yakatya, “Muli wamoti nyo waciwa: hambi wutemi wo Mulungu nha wenyu.

Luka 6:20 ပူးပေါင်းရင်းမြစ်များ

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa kuwulawa wuwumbwe we yinze.

Matayo 5:1

Nayo Yesu yaza kugawona imapuga ge wanhu, yakabita kucanyha ye litunda yakekala hasi. Iwejizwa wakwe wakamuziza,

Luka 12:32

“Mulece kogopa anye mo cipuga cidodo, hambi Sogo yenyu nha yendile kumupelenyi wutemi.

Luka 13:28

Kuko kolowa cililo no kugwezula meno, baho mulaza wawona Abulahamu, Isaka na Yakobo ne wawizi wose, wali mu wutemi wo Mulungu, ninga anye mukutagwa kunze!

Luka 14:15

Na yunji muyagwe na wono wali wekalane na Yesu ha ndigwa, yaza kuhulika zizi, yakatya, “Yo mumoti mono kololya ndigwa mu wutemi wo Mulungu.”

Luka 16:25

Ninga Abulahamu yakatya, ‘Mwanangu wukumbucile vyono, lono agwe wali wukali mumi, wamotaga vyako viswanu, na Lazalo yakabocela i vibi, ninga lu baha mwene mutuzwe, nagwe wuli mu wusungu.

Luka 4:18

“U Muhe wo Muwaha wuli muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Metumo ge Watumwa 14:22

Wakawasinyhimika zinhumbula i wejizwa, no kuwasikamya wekalaje mu wihuwilo. Wakawalonjela wakutya, “Yicinojeye ase wose kukolela mu magayo menji, mu winjile mu wutemi wo Mulungu.”

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

2 Wakolinto 8:2

Wose wono wehuwiye wono wali kuko, vyono watuga majelo mawaha so wugaye, ninga hamba nhavivyo inyemo yawo yikonjelezeka muno, sunga wakawa wacemezi muno, hamba wawe wali waciwa muno muno.

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

1 Watesalonike 1:6

Nanye mukega u wuwe wetu, hamonga no kumwiga u Muwaha. Hamba muwe mwatuga wugaye, ninga mwayibocela nghani mu nyemo yono yikulawa mu Muhe Mono Yelile.

2 Watesalonike 1:5

Na zizo zose, zikucimanyiza vyono u wulingʼanizi wo Mulungu wo we lingʼani, ne ndumilizo yayo ho mowa muwunojeye u Wutemi wakwe wono wukuleka anye mukugazwa.

Yakobo 1:12

Mumoti munhu mono yakukangalila wujelwe, hambi kolo yeza yasuma nha kopegwa i cihumbilizwa co wumi cono Mulungu yawatemezezya wawalya wono wamwendile.

Yakobo 2:5

Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa ipuga lye Setani.