Luka 5:21 - I CILAGANE CIPYA 1991

²¹ Wejizi wo Wulajilize ne Wafalisayo wakanza kwihwesa, wakutya, “Yuyu yo munhu ci, mono yakumutovula Mulungu? Hasina munhu mono kosuma kunenela wubi, langa hono si Mulungu yali wene.”

Luganuzi Luswanu Kuli Wanhu Wose 2002

²¹ Wejizi wo Wulajilize ne Wafalisayo wakanza kwihwesa, wakutya, “Yuyu yo munhu ci, mono yakumutovula Mulungu? Hasina munhu mono kosuma kunenela wubi, langa hono si Mulungu yali wene.”

Luka 5:21 ပူးပေါင်းရင်းမြစ်များ

Matayo 26:65

Baho nayo Mukohani Muwaha yakavidemulanga i vivwalo vyakwe akuno yakutya, “Katovula! Alu cina sokoci kanyhi yo kusaka wahomelezi? Nha muhulika nyo weneco i zinhovu zakwe.

Matayo 9:3

Wanji wa muli wejizi wo Wulajilize, wakawa kwanza kwihwesa wakutya, “U munhu ayu yakumutovula u Mulungu!”

Luka 3:8

Holeka mulajile mu metumo genyu nha vyono mwakondya kunena.” Hamba mulece kwamula kutya mu wiganicize wenyu, “Ase Abulahamu yo sogo yetu.” Ane nghumulonjelenyi mbeka, vyono Mulungu yadahile kugapitula i mabwe gaga gawe wana wa Abulahamu.

Luka 5:17

Kukawa mwizuwa linji lono Yesu yejizaga: Wafalisayo ne wejizi wo Wulajilize, wono walawa ku vitumbi vyose vya Galilaya na Yudiya na Yelusalemi wali wekaye baho; ne vilungo vyo Mulungu vyo kuponyezya watamwa vikawa muli mwene.

Luka 5:22

Ninga Yesu yakawalanga mahweso gawo, yakapitula yakawatya, “Alo mukwihwesa cici mu zinhumbula zenyu?”

Luka 7:49

Na walya wono wali wekaye nayo ha ndigwa, wakanza kutya mu zinhumbula zawo “Yuyu yo nani mwene, mono yakusuma kunenela wubi?”

Yohana 10:33

Wayahudi wakamutya, “Ase si cikukutowa ne mabwe kusoko ye milimo miswanu, langa kusoko vyono wukumutovula u Mulungu! Kusoko agwe wukwinoza nha wuli Mulungu, na kumbe agwe ho wuli munhu du.”

Walumi 8:33

Alo nani mono komusonjezenyi mo wahagulwa wo Mulungu? U Mulungu mweneco yo yakuwa kumuwusizenyi masutya!