Luka 4:7 - I CILAGANE CIPYA 1991

⁷ Ale hono ufugame hali nene, vivi vyose vyowa vyako.”

Luganuzi Luswanu Kuli Wanhu Wose 2002

⁷ Ale hono wufugame hali nene, vivi vyose vyowa vyako.”

Luka 4:7 ပူးပေါင်းရင်းမြစ်များ

Matayo 2:11

Hobaho wakawa kwinjila mu nyumba, wakamuwona u mwana yuyo, yali hamonga no nyina Malyamu, ale wakawa kufugama, wakamuhemba. Waza kukondya, wakawa kuwopola izisawo, wakawa kulavyaniza ivipegwa vyawo wakawa kumupela zahabu, wubani ne manemane.

Luka 17:16

yakegwisa hasi ha mwande ye magulu ga Yesu, akuno yakumulumba. Nayo yali Musamaliya.

Luka 4:6

“Nokupela gwegwe vilungo vivi vyose, ne zinhojo zayo; hambi nha nakombolelwa nene, na muli wose mono nyendile, nghumupela.

Luka 4:8

Nayo Yesu yakapitula yakamutya, “I Mandiko gakutya; ‘komuhemba Mulungu wako, no komwitumamila mweneco yali wene du.’ ”

Luka 8:28

Yaza kumuwona Yesu, yakazoza, yakagwa hali mwene, yakabalaluka na lizi yiwaha yakatya, “Alo wina nghanici nase, Yesu go Mwana wo Mulungu Mono Yalawiliciye Muli Vyose? Nghukunena wulece kungaza”

Wugubule 22:8

Ane yo nene Yohana, mono naziwona no kuzihulika i zinghani zizino. Nane nali neza kukondya kuzihulika no kuziwona, hodu nghegumila hasi, ha mwande ye magulu ga yuyo malayika mono yandajila i zinghani zizino zose, nane nahilaga nimuhembe.

Wugubule 4:10

awalye wawaha makumi mejete na wane, nawo wakagwa hamwande ya yuyo mono yekaye mwigoda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha wanzehe makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.