Luka 4:15 - I CILAGANE CIPYA 1991

¹⁵ Nayo yejizaga wanhu mu matangʼanilo gawo go wuhembelo akuno yakulumbwa na wose.

Luganuzi Luswanu Kuli Wanhu Wose 2002

¹⁵ Nayo yejizaga wanhu mu matang'anilo gawo go wuhembelo akuno yakulumbwa na wose.

Luka 4:15 ပူးပေါင်းရင်းမြစ်များ

Matayo 13:54

yakawa kubita ku yisi yakwe. Nako kuko yakawa yakuwejiza wanhu mu nhangʼanilo yawo yo wuhembelo, sunga ne wanhu wakezina muno muno, wakatya “Alu mwene nye, yuyu kagatuga hayi i mahala gaga, sunga ne mezino?

Matayo 4:23

Yesu yapilimaga mose mu yisi ya Galilaya, yakwijiza mu matangʼanilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Matayo 9:35

Nayo Yesu yakagajendela i makaya gose ne vitumbi, yakawa kwijiza mu matangʼanilo gawo go wuhembelo akuno yakuluganula u Luganuzi Luswanu lo Wutemi wo Mulungu, hamonga no kuponya imatamwa gose go wusocele we mawala gose.

Matayo 9:8

Ne wanhu wose wono wali wali mwipuga lilyo, waza kuziwona zizo, wakezina muno akuno wakogopa, wakamukumyo u Mulungu mono yawapelile wanhu ivilungo vinha vivi.

Maluko 1:27

I wanhu wose wakezina, wakewuza wakutya, “Alo cici co cici? Ma, go mejizo mapya lo? U Munhu ayu, yena wulajilize wo kugalajiliza i macisi mavu, sunga nago gakumuhulika!”

Maluko 1:39

Ale, yakapilima hanhu hose mu Galilaya, yakuganula mu matangʼanilo gawo go wuhembelo no kulavya macisi.

Maluko 1:45

Ninga munhu yuyo yakabita yakanza kuyitandaza inghani yiyo hanhu hose, no kulonga nghani nyinji, sunga na Yesu si yasuma kwinjila mwikaya lyo lyose ciwonelela. Ne nghani yiyo yikamunoza yekale kunze ihanhu ha cilejeho hono hasina wanhu. Ninga hamba nhavivyo, wakamubitila iwanhu wakulawa mbavu zose.

Luka 13:10

Yesu yakawa yakwijiza mu nhangʼanilo yinji yo wuhembelo, mwizuwa lye Sabato.

Luka 4:16

Yesu yakabita ku Nazaleti kono yawilucila, yakenjila mu nhangʼanilo yo wuhembelo mwizuwa lye Sabato nha vyono yali yazoweye, yakema yasome Mandiko Gono Gelile.