Luka 3:23 - I CILAGANE CIPYA 1991

²³ Yesu mweneco lono yamulila u witumami wakwe calinze, yali yaficile nha myaka makumi madatu, ne wanhu waganicizaga vyono mwene yo mwana we cilume wa Yusufu mwana wa Heli.

Luganuzi Luswanu Kuli Wanhu Wose 2002

²³ Yesu mweneco lono yamulila u witumami wakwe calinze, yali yaficile nha myaka makumi madatu, ne wanhu waganicizaga vyono mwene yo mwana wa Yusufu mwana wa Heli.

Luka 3:23 ပူးပေါင်းရင်းမြစ်များ

Matayo 1:1

U wityatye we ndelwa ya Yesu Kilisito mono yali we ndelwa ya Dawudi, wa mu ndelo ya Abulahamu. Na awuno ahano wo wityatye we mbeyu yakwe vyono yinha.

Matayo 1:16

Yakobo yakamulela Yusufu, nayo Yusufu yo yali mulume wa Malyamu u nyina wa Yesu mono kacemagwa Kilisito.

Matayo 1:6

nayo Yese yo yamulela u mutemi Dawudi. Nayo u mutemi Dawudi, yo yamulela Solomona, (unyina wa Solomona yali yo mugolece wa Uliya).

Matayo 13:55

Ati, wulenyi, yuyu si yo mwana wa ayulya u muselemala? No nyina si yakucemwa Malyamu, ne wanduguze si wa Yakobo, Yusufu, Simoni na Yuda?

Matayo 4:17

Na kuwulawa baho, Yesu yakamula kuganula no kutya, “Ale, munene, hambi u wutemi wa ku wulanga nha wasejelela!”

Maluko 6:3

“Alu ma, si yo yuyu muselemala, umwana we cilume wa Malyamu no ndugu yawo wa wa Yakobo, na Yose na Yuda na Simoni? Ne walumbuze ma, si kotya wekalaga baha hono hetu? Holeka wakatuga mahwele nayo.”

Luka 2:48

Nawo i walezi wakwe waza kumwagana, wakezina. Malyamu u nyina, yakamutya, “Mwanangu, alo so cici kucitendela nhavi? Langa ta, ane no sogo cali kukulondela cikalaye.”

Luka 3:31

mono yali mwana wa Meleya, mwana wa Mena, mwana wa Matata, mwana wa Natani, mwana wa Dawudi,

Luka 4:22

Wose wakendezwa nayo, wakezina so zinghani ziswanu zono yalonga, wakatya, “Yuyu si yo mwana we cilume wa Yusufu?”

Yohana 1:45

Nayo Filipo yakamwagana Nataneli, yakamutya, “Cimuwona ayulya mono Musa yandika i zakwe, mu citabu co Wulajilize, na kanyhi mono wawizi nawo wandika i zakwe, Yesu u mwana wa Yusufu, mulawa ku Nazaleti.”

Yohana 6:42

Wakatya, “Mwene yuyu si yo Yesu u mwana wa Yusufu? sunga u sogwe no nyina ciwamanyile! Alu kosuma wule kutya yatima kulawa ku wulanga?”

Metumo ge Watumwa 1:1

Ndugu yangu Teyofilo, Mu citabu cilongozi nandika zose zono Yesu yetuma no kwijiza, ku wulawo mwamulizo wo mulimo wakwe,