Luka 3:16 - I CILAGANE CIPYA 1991

¹⁶ Yohana yapitula yakawatya wose, “Ane nghumubaputizenyi mu malenga, ninga yakuza mono yali vilungo kuciza ane, hamba si nghwiliye kukowolola mikowa ye malatu gakwe, mwene komubaputizenyi mu Muhe Mono Yelile na mu Moto.

Luganuzi Luswanu Kuli Wanhu Wose 2002

¹⁶ Yohana yapitula yakawatya wose, “Ane nghumubaputizenyi mu malenga, ninga yakuza mono yali vilungo kuciza ane, hamba si nghwiliye kukowolola mikowa ye malatu gakwe, mwene komubaputizenyi mu Muhe Mono Yelile na mu Moto.

Luka 3:16 ပူးပေါင်းရင်းမြစ်များ

Matayo 3:11

Ane nghumubaputizenyi mu malenga, kulajila nha vyono mwanena. Ninga ayulya mono yakuza mu nyuma yangu, yo we vilungo yanyhizize na nene. Hamba ane si nghwiliye kuwudinghula ne malatu gakwe. U Mwene ko mubaputizenyi ko Muhe Mono Yelile no ko moto.

Matayo 3:12

U mwene yebate u luheneko mu mawoko gakwe, ho yezeze lukulu icuga cakwe, no kuwututicila u wuhemba mu nyumba yakwe, ninga i mawaje kogaticimiza no moto wono si wuzimaga.”

Yohana 1:26

Yohana yakawapitula yakawatya, “Ane nghubaputiza kwe malenga, ninga ho yuli yunji yemile muli nyenye mono mukali si namumanya.

Yohana 1:27

Yo yuyo mono yakuza munyuma yangu, mono ane sinojeye hamba kuyiwopola imikowa ye malatu gakwe.”

Yohana 1:33

Nane sinamumanya: langa u Mulungu mono yanhuma nghawabaputize wanhu kwe malenga, yali yanonjela yakutya, ‘U munhu yuyo mono komuwona u Muhe yakumutimila, yakumwikalila, yuyo yo yakubaputiza mu Muhe Mono Yelile.’

Yohana 7:38

Nha vyono gakutya i Mandiko Gono Gelile, “Mono yakunyihuwila nene, i makolongo ge malenga momi, gohuluma kulawa mu nhumbula yakwe.”

Metumo ge Watumwa 1:5

Hambi Yohana nha yabaputizaga mu malenga; ninga anye mu vilo vicefu, mobaputizizwa mu Muhe Mono Yelile.”

Metumo ge Watumwa 10:44

Na lono Petelo yali yakali yakulonga zinghani zizi, u Muhe Mono Yelile yakawatimila wose wono wayihulicizaga nghani yiyo.

Metumo ge Watumwa 2:33

Yesu yananuswa kucanyha, sunga ku lubavu lo kulume lo Mulungu, yakabocela kuli Sogwe cicilya cipegwa cono yehuwiza, co Muhe Mono Yelile; holeka azi zono mukuwona alu no kuhulika, wo witice wa yuyo Muhe.

1 Wakolinto 12:13

Hambi ase hamba ciwe cili Wayahudi, hamba ciwe cili wanhu we makungugo ganji, i wawanda, hamba wono si wawanda, wose cabaputizizwa mu Muhe monga du, mu muwili wuwo monga, kanyhi ase wose cikangʼweswa yuyo Muhe monga.