Luka 23:32 - I CILAGANE CIPYA 1991

³² Wakawasola kanyhi na wanhu wanji wejete, wahodanji, wawulagwe hamonga na Yesu.

Luganuzi Luswanu Kuli Wanhu Wose 2002

³² Wakawasola kanyhi na wanhu wanji wejete, wahodanji, wawulagwe hamonga na Yesu.

Luka 23:32 ပူးပေါင်းရင်းမြစ်များ

Matayo 27:38

Ne wahizi wejete, nawo wakatumbikanwa hamonga nayo, yumonga ku lubavu lwakwe lo kulume, no muyagwe kulubavu lwakwe lo kucekulu.

Maluko 15:27

Ne wahizi wejete nawo wakatumbikanwa hamonga na Yesu. Yunji ku lubavu lwakwe lo kulume no muyagwe ku lubavu lwakwe lo kucekulu. [

Luka 22:37

Hambi nha nghumutyenyi, vyono yiyi yono yandikwa mu Mandiko Gono Gelile, ‘Yawalilizanwa hamonga ne wahodanji.’ Siyoleka kufisilizwa. Hambi yono yatemezezwa, nha yeza kuficila ku mudumo wayo.”

Luka 23:31

Hono wanhu wakutenda zizi mwibici lidece, ma mwibici likavu ho zowa wule?”

Yohana 19:18

Baho ho wamutumbicila yena na wanji wejete, yunji ku muwoko wo kulume, na yunji ku muwoko wo kucekulu, mwene Yesu haciligati.

2 Timoteyo 2:9

Na ku soko yiyo yo kuluganula Luganuzi Luswanu, holeka ane nghugazika, na kanyhi holeka mbopigwe ne manyolo nha nili musutyi. Ninga inghani yo Mulungu siyosuma kuwopwa ne manyolo,

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.