Luka 22:70 - I CILAGANE CIPYA 1991

⁷⁰ Baho wose wakatya, “Alu wo wutya agwe wuli Mwana wo Mulungu hongo?” Nayo yakawatya, “Nyenye mukulonga vyono, he yo nene.”

Luganuzi Luswanu Kuli Wanhu Wose 2002

⁷⁰ Baho wose wakatya, “Alu wo wutya agwe wuli Mwana wo Mulungu hongo?” Nayo yakawatya, “Nyenye mukulonga vyono, he yo nene.”

Luka 22:70 ပူးပေါင်းရင်းမြစ်များ

Matayo 26:25

Ale, nayo Yuda yakamuwuza, yakutya, “Ati Mwijizi, alo wukwihwesa kowa nene?” Nayo Yesu yakamupitula yakamutya, “Agwe langa kulonga.”

Matayo 26:64

Yesu yakamutya, “Nha kulonga gwegwe! Ninga nghumulonjelenyi mbeka, vyono kulawa lulu momuwona u Mwana wo Munhu yekaye ku lubavu lo kulume lo Mulungu u Mudaha vyose, yakuziza mu mavunde go wulanga.”

Matayo 27:11

Yesu yakategulwa hali u muwaha we yisi. Hodu u muwaha we yisi nayo, yakawa kumuwuza yakutya, “Alo yo gwegwe go Mutemi we Wayahudi?” Nayo Yesu yakamutya, “Nha kulonga gwegwe.”

Matayo 27:43

Ale yali yamwitumbiye u Mulungu, akuno yakutya, ati u mwene yo Mwana wo Mulungu, ale ta, u Mulungu yamuponyaje, hono yawe yendezwe nayo.”

Matayo 27:54

Hodu, yuyulya u muwaha we wasilikale igana, sunga na wawalya wono wamudimaga Yesu, wali weza kuwona u wucicime we yisi, sunga na zose zono zejela, Oo! wakogopa muno muno, wakatya, “Mbeka u munhu ayu, yali Mwana wo Mulungu.”

Matayo 3:17

Ne lizi likalawa ku wulanga likutya, “Ayu yo Mwanangu u mwendece wangu, mono nendezwe nayo.”

Matayo 4:3

Hobaho Setani yakawa kumuziza, yakamutya, “Hono yo gwegwe Mwana wo Mulungu, ale wugalonjelaje i mabwe gaga gawe mikate.”

Maluko 14:62

Nayo Yesu yakapitula, yakutya, “Heya yo nene. Na kanyhi, molomuwona u Mwana wo Munhu yekaye ku lubavu lo kulume lwa Mono yena Vilungo, yakuziza mu mavunde ga ku wulanga.”

Maluko 15:2

Nayo Pilato yakamuwuza Yesu, yakutya, “Alu yo gwegwe u Mutemi we Wayahudi?” Nayo Yesu yakatya, “Nha kulonga gwegwe.”

Luka 22:71

Nawo wakatya, “Alu kanyhi cosaka wuhomelezi wa cici? Hambi sese weneco nha cimuhulika yakulonga ko mulomo wakwe mweneco.”

Luka 23:3

Pilato yakamuwuza Yesu yakutya, “Ati, yo gwegwe Mutemi we Wayahudi?” Yesu yakamupitula, yakatya, “Kulonga he gwegwe.”

Luka 4:41

Ne macisi gakalawa muli wenji, gakubalaluka, gakutya, “Yo gwegwe Mwana wo Mulungu.” Ninga Yesu yakagatacila, hamba si yagaleka galonje, hambi nha gali gamumanyile vyono yo Kilisito.

Yohana 1:34

Nane nghondya kuwona, nane nghumulonjelenyi vyono yuyu yo Mwana wo Mulungu.”

Yohana 1:49

Hobaho Nataneli yakamutya, “Mwijizi, yo gwegwe Mwana wo Mulungu, yo gwegwe Mutemi wa Isilayeli.”

Yohana 10:30

Ane na Baba yo yumonga.”

Yohana 10:36

Alu ma, u mwene mono Baba yamuhagula, yakamutuma kononze, mukumutya yakutovula, ati vyono nheye, ‘Ane nili Mwana wo Mulungu?’

Yohana 18:37

Baho Pilato yakamutya, “Alu agwe wuli mutemi hongo?” Yesu yakapitula, “Kulonga heya, vyono ane nili mutemi. Ane nha nalelwa kusoko yiyo, na kanyhi ku soko yiyo nghaza kononze, ho niwalonjele wanhu muli ze mbeka. Na munhu wo wose mono yali mu mbeka, yuyo kahulikaga.”

Yohana 19:7

Wayahudi wakamupitula wakatya, “Ase cina uwulajilize, na lono cikuwutyatya wulajilize wuwo, ayu yimunojeye yafwe. Ku soko vyono yenoza Mwana wo Mulungu.”