Luka 22:66 - I CILAGANE CIPYA 1991

⁶⁶ Waza kwela, mukungʼano we walongola we wanhu wakekongholela hamonga ne Wakohani wawaha hamonga ne wejizi wo Wulajilize, wakamutegula Yesu hamwande ye libalaza lyawo.

Luganuzi Luswanu Kuli Wanhu Wose 2002

⁶⁶ Waza kwela, mukung'ano we walongola we wanhu, wakekongholela hamonga ne Wakohani wawaha hamonga ne wejizi wo Wulajilize, wakamutegula Yesu hamwande ye libalaza lyawo.

Luka 22:66 ပူးပေါင်းရင်းမြစ်များ

Matayo 27:1

Wali weza kwela, hakali mitondo muno muno, i wakohani wawaha wose, hamonga ne wanyamhala we wanhu, wakawumba mahala kuli Yesu ho wamuwulaje.

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Maluko 15:1

Wali weza kwela hakali mitondo muno muno, iwakohani wakalaganila kumonga, hamonga ne wanyamhala ne wejizi wo Wulajilize, hamonga ne libalaza lyose, wakamuwopa Yesu ne manyolo, wakamutegula no kumukombola kuli Pilato.

Yohana 18:28

Ale waza kwela hakali mitondo muno muno, wakamusola Yesu kulawa kwa Kayafa, wakamutegula kwikulu. Ninga wene i walongola we Wayahudi, vyono wahilaga kuyilya Pasaka, si wenjila mwikulu mugati, ho walece kwitipiza.

Metumo ge Watumwa 22:5

U Mukohani Muwaha, hamonga ne mhuga yose ye Wanyamhala, wosuma kuyihomelela inghani yiyi. Hambi nha wo weneco wono wamhela zibaluwa, zono wandicilwa we zindugu i Wayahudi wono wali, wali kuko ku Damesiki. Nane nghabita kuko ku Damesiki, ho niwawope wanhu wawo, niwalete wawopwe sunga ku Yelusalemi, ho walipicizwe.