Luka 22:32 - I CILAGANE CIPYA 1991

³² ninga ane nghukulombela agwe Simoni, wihuwilo wako ho wulece kucepuka; nagwe kolo wukumbuyila kanyhi, ho uwasikamye wanduguzo.”

Luganuzi Luswanu Kuli Wanhu Wose 2002

³² ninga ane nghukulombela agwe Simoni, wihuwilo wako ho wulece kucepuka; nagwe kolo wukumbuyila kanyhi, ho wuwasikamye wanduguzo.”

Luka 22:32 ပူးပေါင်းရင်းမြစ်များ

Matayo 18:3

hanyuma yakawatya, “Ane nghumulonjelenyi mbeka, vyono hono mulece kupituka no kuwa nha vyono wenha i wana wadodo, si mosumila lukulu kwinjila mu Wutemi wa ku wulanga.

Matayo 26:75

Nayo Petelo, hobaho yakazikumbucila izinghani zono yalonjelwa na Yesu yakumutya, “Lono inzogolo yikali si yinalila, agwe Petelo kowa wakondya kunghana kali kadatu.” Hobaho yakalawila kunze yakalila muno muno.

Maluko 14:72

Baho nayo inzogolo yikawa kulila lwe kejete. Ale, Petelo yakakumbucila vyono Yesu yali yamulonjeye, vyono “Lono inzogolo yowa yikali siyinalila kali kejete, agwe kowa wakondya kunghana kali kadatu.” Hodu Petelo yakalila muno muno tobo ne mahozi.

Maluko 16:7

Ale bitenyi mukawalonjele i wejizwa wakwe hamonga na Petelo, vyono yakuwalongolela ku Galilaya. Na kuko ko momuwona nha vyono yamulonjelenyi.”

Luka 8:13

Azilya zono zalagala hono hogali mabwe, zikulajila iwanhu wono wakuyihulika nghani no kuyibocela na nyemo. Ninga hamba nha vyono zinha zimbeyu zizo, iwanhu wawo wakuwa wasina milela, wono wehuwilaga kwa cidaha du, na kolo wakujelwa, wakuwuya ne nyuma.

Yohana 14:19

Hakali hadodo we yinze, si wowa kumbona kanyhi, anye langa mombona, na vyono ane nili mumi, na nyenye nanye mowa womi.

Metumo ge Watumwa 3:19

Alenyi muyikawanizaje mikalile yenyu imibi, mumuwuyile u Mulungu, nayo ho yawupate wubi wenyu,

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nha vivyo, wule, si kocipela ne ziswanu zose?

Walumi 8:34

Alo nani mono komuhosenyi? Hasina! Hambi Kilisito nha yo yafwa, kanyhi yakazuka muli wafu, na kanyhi yekaye ku muwoko wo kulume wo Mulungu. Nayo yakucilombela.

2 Timoteyo 2:18

Awo wajilila, kanyhi wali kutali ne mbeka, kanyhi wakuwatajila wanji mu wukangamyanje mu wihuwilo wawo, vyono ti, u wuzuce wetu wakondya kupuluta.

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatanga ho wayimanye i mbeka yo wuhembi wetu,

Wahebelaniya 12:15

Muhidimbale muno muno, ho yunji yalece kuyajiliza i lihewa lyo Mulungu. Mwilanjililaje, ho lisina lyo wusungu lilece kutula muli nyenye no kuwawulaga wanhu wenji ko wusungu walyo.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalonjela hali Mulungu.

1 Petelo 1:1

Nene Petelo, umutumwa wa Yesu Kilisito. Nghumwandicilenyi nyenye nyo wahagulwa wo Mulungu Sogo yo munhu, mono mwiyagaye no kwikala kuko ku Pontiyo, Galatiya, Kapadokiya, Asiya na Bituniya kotya muli watizi.

1 Petelo 1:13

Ale, holeka mwiwikanizizaje lukulu ko wuhile no kwikala meso. Wicenyi witumbilo wenyu wose mu wumoti wulya wono molopegwa mwidaha lono Yesu Kilisito yakwijela!

1 Petelo 1:5

Zizo zolowa zenyu nyenye mono ko wihuwilo, mukudimwa viswanu telele, kwe vilungo vyo Mulungu so mhonelo yono yikondizye kugubulwa ku ndumo ye vilo.

2 Petelo 3:14

Holeka nyo wendece wangu, vyono mulilindiye lizuwa lilyo, mupiligale kwiyeza muno muno, muwe musina manamha manamha hali Mulungu, ho mowa no mulamu nayo.

1 Yohana 2:19

Ne wanhu wawo wakulawilila muli sese, ninga i mbeka si wali wayetu na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.