Luka 21:34 - I CILAGANE CIPYA 1991

³⁴ “Ninga musuje, zinhumbula zenyu zize zilece kuvuhigwa ko wubuguci, no wugale, ne mahwele go wikale wuwu, lizuwa lilyo ho lilece kumutinicizenyi nha mutego.

Luganuzi Luswanu Kuli Wanhu Wose 2002

³⁴ “Ninga musuje, zinhumbula zenyu zize zilece kuvuhigwa ko wubuguci, no wugale, ne mahwele go wikale wuwu, lizuwa lilyo ho lilece kumutinicizenyi nha mutego.

Luka 21:34 ပူးပေါင်းရင်းမြစ်များ

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Maluko 13:9

“Ninga nye musuguce. Hambi iwanhu nha wolomutegulenyi kuli mahakama, no kumutowenyi mu matangʼanilo go wuhembelo. Molotegulwa ha mwande ye walongola ne watemi ku soko yangu, ho muhomelele kuli wene.

Maluko 4:19

ninga i mahwele ga kononze yiyi, ne makoco ge sawo, ne masulumizi ge mawala gose, gakuwenjlia no kuyititiliza inghani yiyo, nawo hamba siwakulela mikalo.

Luka 10:41

Ninga Muwaha yamupitula yakatya, “Gwe Malita, Malita, nhawule wukwigaza no kwihwelela ku soko ya vinhu vinji,

Luka 12:40

Holeka na nyenye mwiwikanizaje, hambi Mwana wo Munhu nha kokuziza mwipango lyono si muganicize.”

Luka 17:3

Mulanjilile! Hono nduguyo yakusutizye, umukaje; na hono yanene umunenelaje.

Luka 21:35

Hambi nha vyo lyolowaziza nha mutego, wose wono wekaye mononze yose.

Luka 21:8

Yesu yakawatya, “Musuje ho mulece kukongwa, hambi nha wenji wokuza wono wokwitumamila ilitagwa lyangu, wakutya, ‘Yo nene.’ Na kanyhi, ‘Cidaha casejelela.’ Ninga anye mulece kuwatyatya!

Luka 8:14

Na zono zalagala mu mabici ge mamivya, co cihwanicizo ce wanhu wono wakuyihulika nghani, ninga mu wujendelele wawo, wakuzinjilizwa ne mahwele ne zisawo, no wiyendeze we mikalile yiyi, nawo siwakulela mikalo yono yikangaye.

1 Wakolinto 5:11

Ninga ane cono natunilizaga mu wandice wangu nha coci, mulecele lukulu kuhanga na we ndugu Mukilisito, u musenyha, mubuguci, mono yakuhemba vihwani, musonjeza wayagwe, mugaloʼjimbi, kanyhi mulambilambi. U munhu we liwala lilyo, hamba kulya du, mulece kulya hamonga nayo.

1 Wakolinto 6:10

hambe wahizi, hamba i wabuguci, hamba i wagaloʼjimbi, na wono wendile kuwaheha i wayawo, ne walambilambi wose, wawo wose si wosuma kwinjila mu Wutemi wo Mulungu.

Wagalatiya 5:20

wukumbika vihwani, wuhawi, sili, wugombane, wivu, makuwo, wukowela, wiwanganile, ciyagalo,

Wafilipi 4:6

Mulece kwihwelela muli cinji co cose, langa mu wulombe wenyu, mumulombaje u Mulungu i visakwa vyenyu, mumulombaje akuno mukumulumba mu zinhumbula zenyu.

Wahebelaniya 12:15

Muhidimbale muno muno, ho yunji yalece kuyajiliza i lihewa lyo Mulungu. Mwilanjililaje, ho lisina lyo wusungu lilece kutula muli nyenye no kuwawulaga wanhu wenji ko wusungu walyo.

2 Petelo 3:10

Lizuwa lyo Muwaha lyolokuza nha muhizi. Mwizuwa lilyo, wulanga wolokwajilila ne cihumbi ciwaha, ne vinhu vyayo vyo kulawa katali vyolokongomezwa no moto, nayo yinze yolokwajilila, hamonga ne vinhu vyose vyono vili mumo.

2 Petelo 3:14

Holeka nyo wendece wangu, vyono mulilindiye lizuwa lilyo, mupiligale kwiyeza muno muno, muwe musina manamha manamha hali Mulungu, ho mowa no mulamu nayo.

Wugubule 3:3

Ale wukumbucile azilya zono wejizwa, na vyono wazihulika, wukazikamisa, ale, wukawanizaje u wuhile wako wubi. Na hono wulece kwikala meso, ale nokuziza nhinicizo nho muhizi, hamba sikocimanya ne cipango cono nokuziza.