Luka 21:19 - I CILAGANE CIPYA 1991

¹⁹ Mu wukangalizi wenyu, moponya wumi wenyu.

Luganuzi Luswanu Kuli Wanhu Wose 2002

¹⁹ Mu wukangalizi wenyu, moponya wumi wenyu.

Luka 21:19 ပူးပေါင်းရင်းမြစ်များ

Matayo 10:22

Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

Matayo 24:13

Ninga u munhu wo wose mono kolokangalila sunga ko ku ndumo, yuyo langa yo kolopona.

Luka 8:15

Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakuleta mikalo mu wukangalile.

Walumi 15:4

Hambi zose zono zandikwa, nha zandikwa ho zicijize ase, nase ho cituje witumbilo mu wukangalile, na mu wusindamice wono cikupengwa ne Mandiko gago Gono Gelile, ho ciwe no witumbilo.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

Walumi 5:3

Kanyhi si nhavivyo du, ninga cikusangalala nha vivyo sunga na mumagayo, akuno cimanyile vyono imagayo galetaga wukangalile,

Walumi 5:4

u wukangalile nawo wuletaga wusikamywe, na wuwo nawo wuletaga witumbilo.

Walumi 8:25

Ninga hono cikucitumbila i cinhu cono cikali si naciwona, baho cikucilindila kwa wukangalile.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

2 Watesalonike 3:5

U Muwaha yamutonjenyi zinhumbula zenyu mu wendo wo Mulungu, kanyhi na mu wukangalizi wono Kilisito yakucipela.

Wahebelaniya 10:36

Ninga mukusaka muwe no wukangalile, ho musume kwituma zono yakuzisaka Mulungu ho mucibocele cono yehuwiza.

Wahebelaniya 6:11

Hambi u wuhile wetu kuli nyenye nha wowu, cikumusacenyi wose muli nyenye, munhu yalajile u wuhijilile wuwo du, sunga ko ku mudumo wo wumemelecele wo witumbilo wenyu.

Wahebelaniya 6:15

Abulahamu yalindiliza ko wukangalizi, holeka yakacibocela cono u Mulungu yamwihuwiziza.

Yakobo 1:3

hambi nha mumanyile vyono kolo wihuwilo wenyu wukusuma kulewana ne majelo, womupelenyi ngola.

Yakobo 1:4

Kanyhi mweze mumanyile vyono ingola yenyu yomutazenyi sunga ku ndumo, ho muwe mukamile kanyhi mukwilaniciye, ho mulece kucepucilwa na cinji co cose.

2 Petelo 1:6

mu wizuce namo monjeleze wiyimile, na mu wiyimile namo monjeleze ngola, mu ngola namo monjeleze wogopo Mulungu.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 13:10

Nawo wono wawicilwa ho wasolwe mateka, awo wolosolwa mateka du, nawo wono wawicilwa ho wawulagwe ko mumaje, awo nawo wolowulagwa, ko mumaje du. Holeka yiwanojeye i wanhu wo Mulungu wawe no wukangalile wuwaha hamonga no wuhuwilo.”

Wugubule 14:12

Na ku soko yiyo, wanhu wo Mulungu wono wakakamisa malajliizo go Mulungu no kumwihuwlia Yesu, yiwanojeye waweze no wukangalile.

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.