Luka 20:47 - I CILAGANE CIPYA 1991

⁴⁷ Wene wakuwewonela iwacekulu wafwile, no kuwasolela ivinhu vyawo, akuno wakwinoza nha waswanu, so wulomba wulombe wutali muno ko wukoci. Wawo wotuga wulipicizwe wuwaha muno muno mwizuwa lye ningʼaniza.”

Luganuzi Luswanu Kuli Wanhu Wose 2002

⁴⁷ Wene wakuwewonela iwacekulu wafwile, no kuwasolela ivinhu vyawo, akuno wakwinoza nha waswanu, so wulomba wulombe wutali muno ko wukoci. Wawo wotuga wulipicizwe wuwaha muno muno mwizuwa lye ning'aniza.”

Luka 20:47 ပူးပေါင်းရင်းမြစ်များ

Matayo 23:13

“Woyi he kuliʼnye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Matayo 23:14

“Woyi he kuliʼnye mo wejizi wo Wulajilize ne Wafalisayo mo wakoci! Mono mukuwewonela iwacekulu wafwile, no kuwasolela ivinhu vyawo, akuno mukwinoza nha muli wanhu waswanu, so wulomba wulombe wutali muno muno. Na ku soko yiyi, holeka mopegwa wulipicizwe wuwaha.]

Maluko 12:40

Wakuwewonela i wacekulu wafwile, no kuwasolela i vinhu vyawo, akuno wakwikonjeleza ko kulomba wulombe wutali muno! Ninga mwizuwa lyo wulingʼanizwe, wolotuga wulipicizwe wuwaha muno.”

Luka 12:1

Baho lono wanhu maelufu menji wali wetangʼanila, sunga wakawa kwikanyanjila, Yesu yakamula kuwalonjela wejizwa wakwe, “Musuje kuli cisase ce Wafalisayo wo wukoci.

Luka 20:46

“Musuguce kuli wejizi wo Wulajilize wono wendile kujenda ako na ako wavwalile kanzo. Na kanyhi wendile kulamuswa kwa cogopo ne wanhu mu zisokoni, kanyhi wendile kwikala hanhu hatambule, mu matangʼanilo go wuhembelo, no kwikala hanhu hatambule ha zindigwa ze zisikukuu.

Luka 21:1

Yesu yakalanga, yakawona wagoli wono watajilaga vilavya vyawo mu wuwiko we zisawo ze Nyumba yo Mulungu.

1 Watesalonike 2:5

Nanye mumanyile vyono lono caziza kwenyu, si caza ne zinghani zo wutelemezi, hamba si cetumamila u wulonji wo wusugu wo kwihundika cinji muli sese, u Mulungu yo muhomelezi!

Tito 1:16

I wanhu wono wenha wawo, watezaga ati wamumanyile u Mulungu, ninga kumbe mu metumo gawo ho wamukanaga. Wo wanhu we makomaza, kanyhi wali cibede, hamba si wakwiliye kanyhi mu nghani yo yose i swanu.

Yakobo 3:1

Wandugu zangu, wenji wa muli nyenye, mulece kuwa wejizi. Hambi nha vyono mumanyile, sese co wejizi colotuga wulingʼanizwe wuwaha muno muno kuciza wanji.