Luka 20:21 - I CILAGANE CIPYA 1991

²¹ Wawo wapelelezi, wakamuwuza wakutya, “Ati Mwijizi, cimanyile vyono ukulonga kanyhi ukwijiza nghani ze mbeka; cimanyile vyono si kulangaga lilumbo lya munhu, langa kwijizaga mu mbeka nzila yo Mulungu.

Luganuzi Luswanu Kuli Wanhu Wose 2002

²¹ Wawo watandizi, wakamuwuza wakutya, “Ati Mwijizi, cimanyile vyono wukulonga kanyhi wukwijiza nghani ze mbeka; cimanyile vyono si kulangaga lilumbo lya munhu, langa kwijizaga mu mbeka nzila yo Mulungu.

Luka 20:21 ပူးပေါင်းရင်းမြစ်များ

Matayo 22:16

Holeka wakawatuma i wayawo wanji, hamonga ne watyatyi we cipuga ca Helode. Wakabita kuli Yesu, wakamuwuza wakutya, “Gwe Mwijizi, ase cimanyile vyono kulongaga mbeka, na kanyhi vyono kwijizaga i mbeka yo wuhile wo Mulungu kuli wanhu, hamba sikogopaga munhu wo wose, hambi ililumbo lyo munhu nya sicinji kuliʼgwe.

Maluko 12:14

Wakamubitila, wakamutya, “Mwijizi, nha cimanyile vyono agwe uli munhu we mbeka, mono kulongaga ze mbeka du, hamba sikucelelelaga munhu wo wose. Hamba lilumbo lya munhu nha si cinji kuli gwe, ninga kuwejizaga imbeka ye nzila yo Mulungu. Wule, viswanu kumulipa kodi Kayisali, hamba ngʼo? Alu cilavye, hamba cilece kulavya?”

Luka 20:20

Holeka wakawa wakulondola londola cilejeho cono cikwiliye. Wakawafupa wanhu wanji, wenoze nha wanhu waswanu, waawa kuwatuma wabite wamugwizize Yesu mu wulonje wakwe, ho wasume kumwibata no kumutegula ku wawaha we Selekali.

Luka 20:22

Ale cilonjelaje ta, hono viswanu kuli ase kumulipa kodi Kayisali, hamba ngʼo?”

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

Wagalatiya 1:10

Alu mbi kanyhi nghusaka wukombolwe wa nani, we wanhu hamba wo Mulungu? Hamba nghusaka kuwendeza wanhu lo? Na hono noze nha vivyo, kwaco, ane si nali niwe mwitumami wa Kilisito.

Wagalatiya 2:6

Ninga i wanhu wawa wono wakutegwa wo walongola, hono mbeka vyo wali wenha, hamba yiwe si nha vivyo, kwangu si nghani yaye, hambi u Mulungu nha siyakuwa kulingʼaniza so wulanga za kunze, ne wanhu wawa wali wasina cinji cono wali wadahile konjeleza mu Luganuzi lulu Luswanu nha vyono ane nghuluganula no mweneco.