Luka 20:16 - I CILAGANE CIPYA 1991

¹⁶ Kolokuza yawawulaje walimi wawo, no mugunda we mizabibu, kopela walimi wanji.” I wanhu waza kuzihulika i zinghani zizo, wakabeza wakatya, “Siyosumika hamba hadodo.”

Luganuzi Luswanu Kuli Wanhu Wose 2002

¹⁶ Kolokuza yawawulaje walimi wawo, no mugunda we mizabibu, kopela walimi wanji.” I wanhu waza kuzihulika i zinghani zizo, wakabeza wakatya, “Siyosumika hamba hadodo.”

Luka 20:16 ပူးပေါင်းရင်းမြစ်များ

Matayo 21:34

Na mwipango lyo wupilo we zizabibu waza kusejelela, ale yakawatuma i wetumami wakwe wabite kuli wawalya iwalimi, ho wakasole mikalo yakwe.

Matayo 21:41

Iwene wakamupitula wakatya, “Kowapela walimi wanji, wono wosuma kumupela mikalo mu cipango co wupilo wayo.”

Matayo 22:7

Nayo u Mutemi yakasimba muno muno, yakawatuma i wasilikale wakwe, ho wabite wakawongomeze i wawulaji wawalya, hamonga no kuliticimiza i likaya lyawo.

Maluko 12:9

“Ale lu, u munya mugunda ho kotendaci? Kokuza yawongomeze i walimi wawo, no kuwukoza mugunda wuwo we mizabibu kuli wanhu wanji.

Luka 19:27

Ninga wawo walugu wangu, wono si wali wendile niwe mutemi wawo, waletenyi kuno, muwawulajile hamwande yangu.”

Luka 20:15

Wakamulavyaniza mu mugunda we mizabibu wakamuwulaga. Yesu yakawawuza, “Alu u munya mugunda konoza nhawule kuli wawo walimi?

Metumo ge Watumwa 13:46

Ninga hamba nha vivyo, Pawulo na Balanaba, wakalonga muno akuno wasina woga, wakatya, “Vyo yali yinojeye Inghani yo Mulungu yamule yimuficilenyi nyenye. Ninga vyono muyikumhiye kutali, no kwiwona vyono wumi we cibitilila si wukumunojelenyi nyenye, ale, ceza kumulecenyi, no kuwabitila wanhu we makungugo ganji.

Walumi 11:1

Alu nghuwuza nghutya, u Mulungu yawakumhila kutali iwanhu wakwe? Aa, ngʼo. Hambi na nene nha nili Muisilayeli, we mbeyu ya Abulahamu, we nghungugo ya Benyamini.

Walumi 11:11

Nane nghuwuza nghutya, alu i Wayahudi wekobala ho, sunga wakajilila lukulu wose? Aa, ngʼo, vyo si vinha! Langa ku soko yo wugwe wawo, imhonelo yiwaziza i wanhu we makungugo ganji, i Wayahudi ho wawawonele wivu.

Walumi 3:31

Alu cikuwitumamila u Wihuwilo ho ciwuwembule u Wulajilize? Aa, ngʼo, langa cikuwukamya u Wulajilize.

Walumi 3:4

Aa, ngʼo! Hambi u Mulungu nha kekalaga mwihuwilwa cibitilila, hamba yiwe iwanhu wose walambi. Nha vyono gakulonga i Mandiko Gono Gelile, “Gwe go Mulungu, ho hose hono wukulonga, Zinghani zako zo ze lingʼani, Na mu ningʼaniza, agwe wukuwa kusuma.”

Walumi 3:6

Hamba hadodo! Yali yiwe yili nhavivyo, u Mulungu yali yasume nhawule kuyilingʼaniza yinze?

Walumi 6:15

Alu cilonje citye wule? Citumaje wubi hongo, vyono si cili mu wulajilize, langa mwihewa? Aa, ngʼo.

Walumi 6:2

Aa, ngʼo! Ase cakondya kufwa kuli zo wubi, alu ho cojendelela kanyhi nhawule kwikala mu mikalile yo wubi?

Walumi 7:13

Alu wo wutya, cico iciswanu, hongo lyawa yifwa kuliʼne? Aa, ngʼo langa yili nhavi, uwubi ho wijele calinze vyono wubi, wuketumamila acilya iciswanu ho liwe lyo yifwa lyangu. Ninga uwubi wukelajila vyono wubi muno, mu nzila ya lilyo ililajilizo.

Walumi 7:7

Wulenyi, cosuma kutya Wulajilize, wubi? Ngʼo si wubi yaye! Ninga hali hawe hasina Wulajilize, ane si nali niwumanye wubi vyono co cici. Hamba si nali manye u wusulumizi wubi co cici, hono Wulajilize wali wuwe si wuteye, “Wulece kusulumila.”

Walumi 9:14

Hambi cilonje ya hayi? Alu u Mulungu yasina ilingʼani? Aa, ngʼo!

1 Wakolinto 6:15

Hamba si mumanyile lu, vyono i miwili yenyu vyo vilunzwa vyo muwili wa Kilisito? Hamba mukwihwesa vyono nosuma kucisola i cilunzwa cimonga co muwili wa Kilisito, no kucinoza cilunze no muwili wo musenyha? Hamba hadodo bwete!

Wagalatiya 2:17

Alu hono yiwe mu wulondola wuvumilwe hali Mulungu muli Kilisito, cikwijela cili wabi nha vyono wenha i wanhu we makungugo ganji, wule! nghani yiyo yowa yina nhunizo yo wutya Kilisito yakutaza muwituma wubi? Aa, ngʼo!

Wagalatiya 3:21

Alo u Wulajilize vikusutana ne vilagane vyo Mulungu? Ngʼo si nha vivyo yaye! Hambi hono wali wulavywe Wulajilize wono wosuma kuwapela wanhu wumi, baho cali cisume kuvumilwa hali Mulungu mu nzila yo Wulajilize.

Wagalatiya 6:14

Ninga ane si nokwilumbila muli cinji co cose, hono si mu musalaba wo Muwaha wetu Yesu Kilisito langa, ku soko mu nzila yo musalaba wuwo, yiyo yinze yikawulagwa kuli nene, nane nghawulagwa kuli yinze.