Luka 2:37 - I CILAGANE CIPYA 1991

³⁷ Nayo yakekala mufwile sunga mu cipango cico, nayo yali yafika myaka makumi munana na mine kuwulawa u wulelwe wakwe. Na mu cipango cico cose si yawukaga mu Nyumba yo Mulungu, na mu wuleko kulya, no kumuhembo Mulungu cilo na misi.

Luganuzi Luswanu Kuli Wanhu Wose 2002

³⁷ Nayo yakekala mufwile sunga mu cipango cico, nayo yali yafika myaka makumi munana na mine ku wulawa u wulelwe wakwe. Na mu cipango cico cose, si yawukaga mu Nyumba yo Mulungu, na mu wuleko kulya, no kumuhemba Mulungu cilo na misi.

Luka 2:37 ပူးပေါင်းရင်းမြစ်များ

Luka 5:33

Nawo wakamutya Yesu, “Kenji wejizwa wa Yohana walekaga kulya, kanyhi walombaga; ne wejizwa we Wafalisayo nawo wanozaga nhavivyo; ninga wejizwa wako, walizaga kanyhi wangʼwezaga.”

Metumo ge Watumwa 13:3

Nawo waza kondya kulomba no kuleka kulya, wakawawicila miwoko wakawaleka wabite.

Metumo ge Watumwa 14:23

Wakawahagula wanyamhala kulawa mu makanisa gose, ho walidime i Likanisa. Nawo waza kuwa walomba no kuleka kulya, wakawawika kuli Muwaha mono wamwihuwila.

Metumo ge Watumwa 26:7

No wihuwizo wuwo, wo wuwo wono sunga ne zinghungugo zetu ikumi na nyejete, wo wetumbiye, wakwihinda kumwitumamila Mulungu cilo na misi. Na kusoko yo witumbilo wuwu, gwe go mutemi, holeka Wayahudi wakusitaka!

1 Timoteyo 5:5

Ale, umucekulu mono mufwile mbeka, mono yasina munhu wo kumutaza, yakondya kumuwicilo Mulungu witumbilo wakwe, kanyhi yakujendelela kumulomba Mulungu no kuneneleza u wutazi wakwe cilo ne misi.

Wugubule 3:12

Wono wosuma, nowanoza wawe masumbili mu Nyumba yo Mulungu wangu nawo hamba si wolowucila lukulu mumo. Kanyhi nokwandika muli wene litagwa lyo Mulungu wangu, ne litagwa lye likaya lyo Mulungu wangu, yo Yelusalemi yimhya, i likaya lyono lyotima kulawa ku wulanga ko Mulungu wangu. Kanyhi nokwandika ilitagwa lyangu yipya muli wene.

Wugubule 7:15

Holeka wukuwawona wali heʼgoda lyo wutemi lyo Mulungu. Nawo wamwitumamilaga u Mulungu mu wuhembelo wakwe, misi na cilo, nayo mono yekaye mwigoda lyo wutemi, nayo kokoma lihema lyakwe muli wene ho yawadime.