Luka 2:34 - I CILAGANE CIPYA 1991

³⁴ Simiyoni yakawalugutiza, yakamulonjela nyina Malyamu, “Muli mwana yuyu wenji wa mu Waisilayeli wokwajilila na wenji wopona.

Luganuzi Luswanu Kuli Wanhu Wose 2002

³⁴ Simiyoni yakawalugutiza, yakamulonjela nyina Malyamu, “Muli mwana yuyu, wenji wa muli Waisilayeli wokwajilila, na wenji wopona.

Luka 2:34 ပူးပေါင်းရင်းမြစ်များ

Matayo 11:19

Alu, u Mwana wo Munhu yakaza, yakulya no kungʼwa, nawo wakatya, “Mulanjenyi ta ayu munhu mubuguci, kanyhi mungʼwa divayi, mwendece we watoweza kodi ne wahodanji. Ninga hamba nha vivyo i mahala go Mulungu gakuhomelelwa vyono maswanu ku so i metumo gakwe.”

Matayo 12:46

Nayo Yesu lono yali yakali yakulonga ne mapuga ge wanhu, u nyina, hamonga ne wanduguze wakawa waza, no kwima hanze, wakuhila kulongana nayo.

Matayo 21:44

Ninga mono kogwa mucanyha ye libwe lilyo, yuyo kobenanjika benanjika, na hono limugwile munhu wo wose, langa lyomupodanjiza ticitici.]”

Matayo 27:63

wakamutya, “Gwe muwaha, cikumbuciye vyono ayulya u mukonji yalonga lono yakali mumi vyono ati, ‘Vilaza kupuluta vilo vidatu, nozuka kanyhi.’

Luka 2:35

Nayo kowa citanjilo cono wanhu siwocisaka, ho gagubulwe mahweso ga wenji, sunga na gwegwe, wusungu wono winha mumaje mukali wocinya nhumbula yako.”

Yohana 3:20

U munhu wo wose mono ketumaga i metumo mabi, yuyo kawusulaga wuzelu, hamba si kazaga kono wuzelu, hambi nha si yendile i metumo gakwe mabi gamanyice.

Yohana 5:18

Ku soko ye zinghani zizo, iwalongola we Wayahudi wakacila muno kulondola nzila yo kumuwulaga Yesu, si so wuhodanje wo wulajilize we Sabato du, langa na so wulonje wono yateye Mulungu yo Sogwe, na kusoko yiyo yakwinoza sawa no Mulungu.

Metumo ge Watumwa 13:45

Ninga Wayahudi waza kuwuwona winji we wanhu, wakawona wivu, wakazibedula zinghani zono Pawulo yalongaga, kanyhi wakamutovula.

Metumo ge Watumwa 17:6

Ninga si wawatuga, holeka wakamukwejenha Yasoni, hamonga na we zindugu wanji, sunga hali wawaha we likaya, akuno wakuzoza wakutya, “Awa wanhu wono wayipituye yinze, naluno waza sunga na bahano.”

Metumo ge Watumwa 24:5

Hambi nha camuwona ayu vyono yo munhu wa mbali muno, mwene yo muwusa wuma muli Wayahudi wose kononze kose na, kanyhi mwene yo mulongola mu mhuga ye Wanazalayo.

Metumo ge Watumwa 28:22

Ninga ase cikusaka kuhulika kwako zono wina nazo, hambi zo wisiwanule wuwu, nha zakondya kumanyika kwetu vyono wulemagwa hose.”

Metumo ge Watumwa 4:26

Iwatemi we yinze wakewikaniza, Ne wawaha wakekonghola hamonga, Ho wamuleme Muwaha na Kilisito wakwe.’

Metumo ge Watumwa 6:7

Inghani yo Mulungu yikacila kutandala, ne liwalo lya wono wehuwila kuko ku Yelusalemi, likacila konjelezeka, ne mhuga mbaha ye Wakohani, wakawubocela u wihuwilo.

Walumi 9:32

Ku soko ya hayi? Ku soko i wene wali wetumbiye metumo gawo, siwetumbila u wihuwilo. Wakekobala mu libwe lyo wikobale,

1 Wakolinto 1:23

ninga se, cikumuganula Kilisito du mono yatumbikwa mu musalaba. Ninga kuli Wayahudi inghani yiyi, yili cikobazo kuli wene, na kuli iwanhu we makungugo, inghani yiyi, wulele du kuli wene,

Wahebelaniya 7:1

Melicizedeki yali mutemi wa Salemi, kanyhi yali Mukohani wo Mulungu Muwaha. Nayo Abulahamu lono yalawaga ku wulugu kono yawawulaga i watemi, Melicizedeki viketangʼanila nayo, yakamuluguta,

Wahebelaniya 7:7

Ninga mbeka si za kuwanga hamba hadodo, vyono mono kalugutaga yo muwaha yacizize ayulya mono yakulugutwa.

1 Petelo 4:14

Hambi nha muli wamoti, hono muliʼgwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muliʼnye.