Luka 19:17 - I CILAGANE CIPYA 1991

¹⁷ Nayo yakamutya, ‘Ale, kunoza viswanu, uli mwitumami muswanu. Vyono wali mwihuwilwa mu nghani ndodo muno, ale weze muwaha mu makaya ikumi.’

Luganuzi Luswanu Kuli Wanhu Wose 2002

¹⁷ Nayo yakamutya, ‘Ale, kunoza viswanu, wuli mwitumami muswanu. Vyono wali mwihuwilwa mu nghani ndodo muno, ale weze muwaha mu makaya kumi.’

Luka 19:17 ပူးပေါင်းရင်းမြစ်များ

Matayo 25:21

U Muwaha wakwe nayo yakamutya, ‘Ale viswanu, wuli mwitumami muswanu, kanyhi wuli mwihuwilwa. Wali mwihuwilwa mu nghani ndodo, ninga alu nokupela zimbaha kuciza. Ale wuze wasangalalane hamonga no muwaha wako.’

Luka 16:10

Wo wose mono kowa mwihuwilwa mu nghani ndodo muno, yo kowa mwihuwilwa na mu nghani mbaha, na wo wose mono si mwihuwilwa mu nghani ndodo, si kowa mwihuwilwa mu nghani mbaha.

Luka 19:16

U mwitumami mulongozi yakaza, yakatya, ‘Muwaha, zipesa zako zono wamhela, zonjelezeka kali ikumi.’

Luka 19:18

U mwitumami we kejete yakaza, yakatya, ‘Muwaha, cijela cambuzi kali kahano muli zizilya zipesa zono ukamhela.’

Luka 22:30

Musume kulya no kungʼwa ha wulilo wangu mu wutemi wangu. Nanye molokwikala mu magoda go wutemi mukugalingʼaniza makungugo ikumi na mejete ga Isilayeli.”

Walumi 2:29

U Muyahudi wa mbeka, yo yulya u Muyahudi wa mugati, yuyulya mono yalame mu nhumbula. Ne nghani yiyi, yo nghani ya Muhe, hamba si nghani ya mandiko go Wulajilize. No munhu we liwala lilyo, yakutuga lilumbo, si muli wanhu, langa muli Mulungu.

1 Wakolinto 4:5

Holeka mulece kulingʼaniza lono vilo vikali si nafika, muzilekaje ziwe nha vivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, kuwulawa kuli Mulungu.

2 Timoteyo 2:10

holeka nghukangalila muli vyose ku soko ye wahagulwa wo Mulungu, nawo nha vivyo ho watuje u Wukombozi wono wukuziza mu nzila ya Yesu Kilisito, kanyhi wono wuletaga lukumyo lwe cibitilila.

1 Petelo 1:7

Ne nhunizo yayo, anye ho musume kukangazwa mu wihuwilo wenyu. Hambe zizahabu zenezo, zono zihodanjikaga, zijelagwa no moto, nhavivyo sunga no wihuwilo wenyu, wono yo sawo kuciza zizahabu, siwoleka kujelwa ho wuwe wuli vilungo. Hanyuma ho mubocele lilumbo no lukumyo no wutogoze, lizuwa lilyo kolo Yesu Kilisito yakugubulwa.

1 Petelo 5:4

Na mu cidaha kolo u Mudimi Muwaha yakwijela, nanye molobocela u mukumbo wo lukumyo wono siwunyalaga.