Luka 18:13 - I CILAGANE CIPYA 1991

¹³ Ninga ayulya mutoweza kodi yakema kutali, hamba si yenda no kwinula meso gakwe ku wulanga, ninga yaketowa mu mhambaga ko wukalale, yakatya, “Gwe Mulungu Umbonele lusungu ane no mubi.”

Luganuzi Luswanu Kuli Wanhu Wose 2002

¹³ Ninga ayulya mutoweza kodi yakema kutali, hamba si yenda no kwinula meso gakwe ku wulanga, ninga yaketowa mu mhambaga ko wukalale, yakatya, “Gwe Mulungu wumbonele lusungu ane no mubi.”

Luka 18:13 ပူးပေါင်းရင်းမြစ်များ

Matayo 10:3

Filipo na Batolomayo, Tomaso na Matayo mono yali mutoweza kodi, na Yakobo u mwana wa Alifayo, na Tadayo,

Matayo 6:5

“Nanye lono mukulomba, mulece kuwa nhe wakoci. Hambi iwene wakoci, nha wendile kwima wima mu matangʼanilo go wuhembelo, sunga na mu zinzila, no kulomba, ho welajise kuli wanhu. Mbeka nghumulonjelenyi, vyono wawo wakondya kucituga icihumbilizwa cawo.

Matayo 9:13

Holeka mwiyijizizaje mu nhunizo ye zinghani azino, ‘Ane nghusaka lusungu du, hamba si makumbiko.’ Hambi ane nha si naza ho niwaceme iwanhu waswanu, ngʼo, langa iwanhu wabi.”

Maluko 11:25

Kolo mukwima no kulomba, muwanenelaje wose wono wamusutizyenyi nghani yo yose, nayo u Sogo yenyu mono yali ku wulanga ho komunenelenyi nanye i masutya genyu. [

Luka 17:12

Nayo lono yenjilaga mu citumbi cinji, waketangʼanila nayo wanhu ikumi wo wukoma, wali wemile kutali.

Luka 22:41

Yakatemanuka kuli wene yakabita wutali wa nghanzo yeʼbwe lyono ligumiywe, yakafugama yakalomba, yakutya,

Luka 23:48

Ne wanhu wose wono wali wekongholeye baho kulanga zizo, waza wona zono ziweye, wakawuya kwawo wakwibinha mu zimhambaga so wukalale.

Luka 5:8

Simoni Petelo yaza kuziwona zizo, yakafugama hamwande ya Yesu, yakutya “Uwuce hono hangu, Gwe Muwaha, hambi ane nha nili munhu mubi.”

Metumo ge Watumwa 2:37

Iwanhu waza hulika zizi, wakahomeka mu nhumbula zawo, wakamutya Petelo ne watumwa wayagwe, wakatya, “Alo citende wule wandugu zetu.”

Walumi 5:8

Ninga u Mulungu yakangazize vyono mwene yacendile, hambi lono ase cali cikali wahodanji, Kilisito yakafwa ku soko yetu.

2 Wakolinto 7:11

Alu mosuma kuwona vyono u Mulungu yawitumamila wuwo u wukalale wenyu. Lanje vyono mweza muli wahidimbazi, mu wilajile vyono musina malema go gose, mu makuwo, mu wutinuswe no woga, mu wuwa ne nyhilu yo wituma ziswanu, mu wogopo Mulungu, akuno mwiwikanize nhondo zose kwihoma ne zinghani zose zono si zinojeye. Mwakondya kwitajila nha vyono musina yilema lyo lyose mu nghani yiyi.

1 Timoteyo 1:15

No wulonje wuwu nha we mbeka, na kanyhi wunojeye wuvumilwe muno muno, vyono Kilisito Yesu yaza kononze kuwaponya wanyo wubi. Nane nha nili mubi kuciza wawo wose.

Wahebelaniya 4:16

Holeka cisejelele kwigoda lye lihewa lyo Mulungu, cisina woga, ho ciwonelwe lusungu, kanyhi cilituje ne lihewa lyono lyosuma kucitaza mwidaha lono cikusaka u wutazi.

Wahebelaniya 8:12

Nane nolowanenela u wubi wawo Hamba si nowukumbucila kanyhi yaye.”