Luka 16:28 - I CILAGANE CIPYA 1991

²⁸ hambi nha nina wanakwetu wahano; yakawasugule, walece kuza nawo hanhu hano ha wusungu.’

Luganuzi Luswanu Kuli Wanhu Wose 2002

²⁸ hambi nha nina wanakwetu wahano; yakawasugule, walece kuza nawo hanhu hano ha wusungu.’

Luka 16:28 ပူးပေါင်းရင်းမြစ်များ

Luka 16:27

Yuyo mono yali mugoli, yakatya, ‘Heya baba, ale nghukulomba baba, umutume Lazalo yabite ku kaya ya Baba,

Metumo ge Watumwa 10:42

Yakacilajiliza ciwaganulile wanhu wose u Luganuzi Luswanu, no kuhomelela vyono u mwene yo yahagulwa no Mulungu, yawe Mulingʼanizi we womi ne wafu.

Metumo ge Watumwa 18:5

Ninga Sila na Timoteyo waza kuza wakulawa Makedoniya, Pawulo yakanza kwitumamila vipango vyakwe vyose, so kuluganula Luganuzi, yakuwahomelela Wayahudi nha vyono Yesu yo mwene Kilisito.

Metumo ge Watumwa 2:40

Petelo yakawahomelela kwa nghani zinji nyinji; yakawakangaziza no kuwakongʼonheza iwanhu yakutya, “Mwiponye mu lulelo lulu ulubi.”

Metumo ge Watumwa 20:21

Nawahomelela wose, Wayahudi hamonga ne wanhu we makungugo, ho wamupitucile Mulungu no kumwihuwila Muwaha wetu Yesu.

Metumo ge Watumwa 20:23

Ninga yono manyile du yoyi, vyono u Muhe Mono Yelile yakundajila mu makaya gose, yakutya, wuwopwe no wutamiswe vikunindila.

Metumo ge Watumwa 20:24

Ninga ane si nghuganiciza wumi wangu nha cinji cikamu kuliʼne, si nho wukondeleze wo muhinzo wangu, no witumami wono nabocela kuli Muwaha Yesu, kuluhomelela u Luganuzi Luswanu lwe lihewa lyo Mulungu.

Metumo ge Watumwa 23:11

Mu cilo cico, u Muwaha yakema behi na Pawulo, yakamutya, “Wisindamice, hambi nha vyono wuhomeleye zangu kukuno kono Yelusalemi, nha vivyo vyo yikunojeye kuhomelela na ku Lumi.”

Metumo ge Watumwa 26:22

Ninga u Mulungu yakanhaza, holeka sunga ne zuwalili, nimile cilumelume, nghuwahomelela wose iwawaha ne wadodo. Sinongaga zinji, langa zizilya du zono wazilonga iwawizi na Musa, vyono zolokwijela,

Metumo ge Watumwa 28:23

Hodu wakawa kupanga nayo lizuwa lyo kwitangʼanila, na wenji muno wakamubitila ku nyumba yakwe yono yekalaga. Nayo Pawulo ku wulawa hakali mitondo sunga lyoswa, yakawa yakuwasimuliziza no kuwaloloseza zo Wutemi wo Mulungu, yakajela muno kuwakwega ho walumbe izinghani za Yesu, yakwitumamila Wulajilize wa Musa ne mandiko ge wawizi.

Metumo ge Watumwa 8:25

Wene wa Petelo na Yohana waza kukondya kuhomelela no kuganula inghani yo Muwaha, wakawuya ku Yelusalemi, wakaganula Luganuzi Luswanu ku vitumbi vinji vye Wasamaliya.

Wagalatiya 5:3

Nghumulonjelenyi kanyhi calinze, vyono, muli wose mono kosuma kuvumila kwalama yowa yimunojeye yawibate u Wulajilize wose.

Waefeso 4:17

Ale, nghumusugulenyi mwitagwa lyo Muwaha, mulece kujendelela kwikala kanyhi mu mikalile nha ye wanhu wono si wamumanyile u Mulungu, wono i mahweso gawo gaweza wulele,

1 Watesalonike 2:11

Kanyhi mumanyile nyo weneco vyono ase camutendelenyi nyenye yumonga yumonga, nha vyono u sogo yo munhu kawatendelega wanagwe mweneco.

1 Watesalonike 4:6

Holeka munhu wo wose yalece kumusutizya hamba kumukapa u muyagwe mu nghani yiyi. Hambi nha cakondya kumulonjelenyi muli zizo kanyhi cikamusugulenyi vyono u Muwaha kowalipiciza wono wakwituma zono zinha zizo.