Luka 16:24 - I CILAGANE CIPYA 1991

²⁴ Yakacema yakatya, ‘Baba Abulahamu, Umbonele lusungu ye, umutume Lazalo, yazabice hambe cisonje ce cidole cakwe mu malenga, yamhoze lulimi lwangu; hambi nha nghuwona wusungu mu moto wuwu.’

Luganuzi Luswanu Kuli Wanhu Wose 2002

²⁴ Yakacema yakatya, ‘Baba Abulahamu, wumbonele lusungu ye, wumutume Lazalo, yazabice hambe cisonje ce cidole cakwe mu malenga, yamhoze lulimi lwangu; hambi nha nghuwona wusungu mu moto wuwu.’

Luka 16:24 ပူးပေါင်းရင်းမြစ်များ

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Matayo 3:9

Mulece kwihwesa mba vyono mosuma kwitetela no kutya, “Ase cili wana wa Abulahamu! Ane nghumulonjelenyi mbeka, vyono u Mulungu kosuma kuganoza imabwe gaga gawe wana wa Abulahamu.

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Luka 16:30

Ninga mwene yakatya, ‘Ngʼo ye baba Abulahamu; langa hono yabite yunji kuli wene mono yazucile mu wafu, wonena.’

Luka 19:9

Yesu yakamutya, “Zuwali mhonelo yinjila mono kaya yiyi, vyono mwene nayo, mwana wa Abulahamu.

Luka 3:8

Holeka mulajile mu metumo genyu nha vyono mwakondya kunena.” Hamba mulece kwamula kutya mu wiganicize wenyu, “Ase Abulahamu yo sogo yetu.” Ane nghumulonjelenyi mbeka, vyono Mulungu yadahile kugapitula i mabwe gaga gawe wana wa Abulahamu.

Yohana 4:10

Yesu yakumupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, Umhele malenga ningʼwe, nagwe wali wumulombe, nayo yali yakupele malenga go wumi.”

Yohana 4:14

Ninga muli wose mono kongʼwa malenga gono nomupela, si kokalucila lukulu, Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Yohana 7:37

Mwizuwa lyo mumalilizo we sikukuu yiyo, lyali izuwa iwaha. Yesu yakema yakalonga yenuye lizi, yakutya, “Munhu wo wose, mono yakaluce, yaze kwangu yangʼwe.”

Walumi 4:12

Nha vivyo kanyhi u mwene, yo sogo wa wose wono walame, ninga si vyono walame du, langa vyono wakuyityatya inzila yiyilya yo wihuwilo, yono no Sogo yetu Abulahamu yayityatya lono yali yakali si nalama.

2 Watesalonike 1:8

hamonga ne malambi go moto, ho yawalipicize wawalya wose wono wakumulema u Mulungu, na wawalya wono si wakuluhulika u Luganuzi Luswanu lo Muwaha wetu Yesu.

Yakobo 2:13

Hambi, u Mulungu nha kolowa yasina lusungu kolo yakumulingʼaniza munhu mono yasina lusungu. Ninga lusungu lucizize wulingʼanizi.

Yakobo 3:6

Ale nha vivyo no lulimi nalo, lwinho moto. Hambi nha lumemile wubi winji muno, nalo lwina cilejeho mu miwili yetu, kanyhi lutajilaga wubi mu miwili yetu yose. Wutakamizaga u wumi wetu wose nho moto wono wulawaga yose. Wutakamizaga u wumi wetu wose nho moto wono wulawaga ku Gehena yeneco.

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete wakagumilwa vyo womi du, mwilamba lyono lyakaga moto we cibiliti.

Wugubule 20:15

No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.

Wugubule 22:1

Hanyuma kanyhi malayika yakandajila i likolongo lye malenga go wumi gono gakungʼalala nha cilole, gakulawilila heʼgoda lyo wutemi lyo Mulungu, hamonga ne Mwana we ngholo.