Luka 16:23 - I CILAGANE CIPYA 1991

²³ Yuyo mugoli, lono yali mu wusungu wukali kuko ku Hadesi, yakenula meso gakwe, yakamuwona Abulahamu, na Lazalo yali behi nayo,

Luganuzi Luswanu Kuli Wanhu Wose 2002

²³ Yuyo mugoli, lono yali yali mu wusungu wukali kuko ku hanhu ha myuhe ye wabi, yakenula meso gakwe, yakamuwona Abulahamu, na Lazalo yali behi nayo,

Luka 16:23 ပူးပေါင်းရင်းမြစ်များ

Matayo 11:23

Nagwe go Kapelanawumi, wukwihwesa vyono kotegulwa sunga ku wulanga mbi? Aa, ngʼo, langa kovulumuswa sunga kono kowali wafu! Kusoko i mapoto gono ganozezwa kuliʼgwe, hono gali ganozezwe ku Sodoma, mhali likaya lilyo lilibaho sunga ne nzuwayi.

Matayo 18:9

Na hono iliso lyako likwiwajize, ale, wuliwusaje, wulitaje kutali nagwe. Habi nha yili ciba kuliʼgwe, kwinjila mu wumi, akuno wina liso limonga, sinho kutagwa mu moto wa ku Gehena, akuno ho wina ne meso gako gose vyono mejete.

Matayo 23:33

Anye mo wana we zinzoka, zono zina sumu! Alo mosuma nhawule kuwilega u wulingʼanizwe wo moto we Gehena?

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Matayo 5:29

Holeka, hono iliso lyako lyo kulume likusutizye, ale wuliwusaje wulitaje kutali. Yili ciba muno kuliʼgwe, wajilize cilunzwa cimonga co muwili, si nho kutagwa u muwili wako wose mu moto.

Matayo 8:29

Nawo wakawa kwanza kuzoza wakutya, “Alo cina nghanici nagwe go Mwana wo Mulungu? Alo kuza akuno ho wucigaze na lono icidaha cikali si nafika?”

Luka 16:24

Yakacema yakatya, ‘Baba Abulahamu, Umbonele lusungu ye, umutume Lazalo, yazabice hambe cisonje ce cidole cakwe mu malenga, yamhoze lulimi lwangu; hambi nha nghuwona wusungu mu moto wuwu.’

Luka 16:28

hambi nha nina wanakwetu wahano; yakawasugule, walece kuza nawo hanhu hano ha wusungu.’

Luka 8:28

Yaza kumuwona Yesu, yakazoza, yakagwa hali mwene, yakabalaluka na lizi yiwaha yakatya, “Alo wina nghanici nase, Yesu go Mwana wo Mulungu Mono Yalawiliciye Muli Vyose? Nghukunena wulece kungaza”

1 Wakolinto 15:55

“Alu gwe go wufwe, i cisumisumi cako cili hayi? I vilungo vyako vyo wusungu, vili hayi?”

2 Petelo 2:4

Na lono wamalayika wetumila u wubi, u Mulungu na langa yakawataga mu moto we Gehena, mono wafunjigwe walindiye Lizuwa lililya lyo wulingʼanizwe.

Wugubule 20:10

Na Setani mono yawakongaga, nayo yakagumilwa mwilamba lyono likwako moto we cibiliti, mumo mono molili alilya lilimu hamonga no muwizi wo wulambi, nawo wowa kugazwa misi ne cilo, cibitilila ne cibitilila.